Window comuter som daan,software kul lolo in ciang fihlim in som thil ii..

Window system computer nai tu hmuah in ling kul tengtenghnak software kul lo in computer somhnak

Computer heh a mah neu in hmang tam le singkhaw cak lo tete in om thai ii.Zaimantifangin nisiar kin hmanghnak te pawl a keniah neuneu heh lo taang meng de ii.Ciami keniah te pawl Zarh khat vai khat dung tu som ben tek pha ii..Ciami a som daan tu a hnia ai te ang in ii.(temp,%temp%,prefetch)in som a sing..

Hmasaber ah a keyboard ah Window key le R hmet tu

a hnia ai zuk ang suak tuh ii.

USA President Obama a mizia ngaingai laivum mipui hmai ah phuang dun peupeu hang,....

hmai hla ni 20 nia thok in USA President per tutuh Trump hrang ah President obama in naper harsa tuh bawn sah hrim ii lo maw?

Tunnia President Obama in Russia minung 35 te USA in a ram ah tlung tuh in thusuakhnak bawn zo ii.2016 USA president rildunhnak ah Trump in nehhnak a co thai tuh in Russia in internet hack ii tin rel ii.Thu fiang lo thu ii,kon tin,kon ah tibang felfai in rel fianghnak nai lo ii.

Obama le acozah in Russia mi pali te cyber lam thu man dantathnak bawn ai,minung panga tu USA President rildunhnak ah thilthup naperhnak thu ah dantat vek ai,minung 35 tu USA in suak tuh in hnawt vek ii,Canher 72 song can pe vek ii.Russia embassy thawn pehzomhnak zung pahnih khai kham ruai ii tin thu za ii sing.He tih bang ai a thil bawnhnak heh USA daan ah President thu in bawn thilhnak thu ii tin rel ve ii..

Russia in khai thu lethnak phuang ve zo ii.USA in a thil bawn ang in bawn tuh ve in ralring cia ing ti ii.Russian Foreign Minister Maris Zakharova in he tin rel bet ii.President Putin tu zaikha thucahhnak nai lailo tin rel ii.CNN.NTP

Comment:Israel in West Bank hmunram ah inn sa tuh lo UN in thurelcathnak heh Obama acozah in khuakhanhnak ii tin Israel PM in rel ii.He thu heh UN ah nemkho zo ii man Trump in President ii per ve le UN thurelcathnak hawk tuh sal ing ti ii..Russia thu tang kon tin thucahhnak nai sal leh ni maw ti heh mi zapui in iang tlanghnak ii..Mi tampui in Trump hrang ah naper harsa thai tuh in Obama in a bawn hrim ii tuh ii tin rel tu kha bo lo ii.

.

Na tin ah dup meng lekhaw kon tin bawn tuh???????

Pacing(sobul)in na kut tin le na kee tin deeng dun ngah fangin na dup meng lekhaw tin songah thi hnawm,thi khal om tihnak ii..Ciatin dah meng lekhaw a rai fangin kin tin khai kok lole tin hrekkhat hnawm thai ai tin mawi lo ah cang thai ii....

Tin song ah a dup om meng lekhaw thi hnawm,thi khal om ii man thi hnawm te a leng ah suah le singkhaw a hlan ang in in om tuh meng ai mawi cia lekhaw mawi tuh pah meng ii.Thi hnawm te kon tin lon thil tuh?thir zum,khimhuk tibang pakhatkhat lang tu,ciami thir zum,khimhuk heh mai ah sa ruai tu lai a tin dup hmun ah dawt tu,kut in pom na har tuh man palaza thawn pom tu lai na remcang tuh ii..Thi suak tian dawt tu,thi suak lekhaw na dap tuh hluanghlo ai na tin kha na mawi tuh meng ii.

A hnia ai video ah sik tu.

Cabit 800'' cingkilim cing fangin kum khat ah he zah dung suak thil ii.

he zuk heh google ai langhnak ing.

Cabit bawntuh hmun heh Pii 800” cingkilim cing le singkhaw he tih suak thai tuh ii.

Kin ling cia bang pah in Zanniat ram neu ah khai Cabit heh a nikhua le a ram in lo pha ve ngai ti heh aisu in khai kin ling tlanghnak ii sing..

He tin bawn singlai Pii 8 kaangdun in cing le singkhaw 800’’ cingkilim cing le singkhaw a tember kung 10,000(thawngha)tember suak tuh ii.Kung khat ah Cuai khat thai tuh in ruat a singkhaw kum khat ah cuai thawngha(10,000)tember nai tuh tihnak ii.Cabit thai heh uam fangin cuai khat ah langkhat suak tengteng de ti man in kumkhat ah lang thawngha(10,000) nai thil tuh tihnak ii.

Cabit laang khat ah 3,000Kyt thawngthum in zuar le singkhaw kum khat ah 30,000,000Kyt man dung zuar pha nai thil tuh tihnak ii.

Lung nakhim le share thil thil ii si.

Mah neu inn ah nuncakhnak sii pha roh bawn dan..

a bawncia zuk le bawn tuhhnak zuk.

Germany ram ah hmang phathnem sii.

Thi feh hmun lamkhung pit,thi song ai sathau te,dunghnilhmun lamkhung urhnak,dap lut ti bang heh nisiar kin ai tio de song in cakhnak pe thil ii..

He mi bawn dan heh Germany ram ah hmang thok zo vek tin rel ii.Ni siar na ai tio dehnak thil phunthum rawi in thil dang tampui khai cak ruai men tin rel ii.

Cia mi thil phunthum tu (Tanphaya,thiing,lasun(hamrang)le ti)rawi dun in bawnhnak ii.A naper benhnak tu menma lo ceh ii.

A thupui ai hmang phathnember tu Thi fehhmun pit kham le lawm ruai hmun ah hmang tamber ti ii..Dunghnil thawn pehdunhnak urhnak le daplut urhnak te pawl,kin ruangpum nuncak tuh hnak te in hmang.

Thi feh thawn pehdunhnak te,thinlung thawn pehdunhnak te urhnak suak tuh in kham.

A bawn dan tu he tih bang ii.

Tanphaya pumli,a pil kheuh kul lo.
Lasun(hamrang)pumli,a pem neu pali ii lo.A hampui pali.
Thiing,4 cintimeter dung kul ii.

Tanphaya heh tii in sawm ben hnua ah a hrek in tlam tuh,Lasun a kawng kheuh tuh,Thiing cia te pathum kop tuh ai,hmunkhat ah camkhat rawi tuh..

Cia mi rawi ciahnak bel songah tii litter hnih(2 litter) thawn a so hlelhlo tian suang tuh.,a so hlelhlo ve le suang awl(com)tuh ai dap ruai tuh,palang pakhatkhat lole buur pakhatkhat songah dah tuh ai a sin kho roh in sin tuh hlio,cia hmuah hang ding thai hang..

Cia mi palang song ai na dah hliohnak heh nikhat khuatkhat(250-300ML)dung ding tuh de..Zing tho fangin ding heh phaber ti ii.Rong ai canher pahnih hlan ah ding pha ti ii.A ding tuhhnak na lang fangin hlin hmasa tuh,Tanphaya le lasun tel thai tuh in pha neu in hlin tuh tengteng ti ii.

A tun Amazon ai ii naperpui Zahau pa kha vaibur si ai awng lo ing.Thiing le Khoi hluti bawn in cia ding de ing..Vaibur man sii mu ai lohnak ii rai hang tin i rel ii.

Bai lawn pha lawn mah neu sii pha hmang thai li hang..

Thu langhmun:lyhealthcare.com

West Bank hmunram heh kontin Israel kut songah hleng ii pa?..

Google Map ai langhnak Israel le West Bank zuk.

Zaikuam ah "West Bank"hmunram heh Israel te kut ah hleng ai kon tin hleng ii pa?

West Bank tu 1948 kum ah Jordan acozah in lang ai 1950 kum ah amha ram songah dah telcih awng ii.1967 kum ah Israel in Jordan heh niruk song tawngdun ai West Bank hmunram heh Israel te'n lo sut awnghnak,tuntian Israel kut song ah om  ii.Ciaman Israel in West Bank heh i lairam i tin inn te lo sahnak ii.Palestinian te in West Bank ram heh Israel te ram ii lo tin elhnak nai ve tio de ii.

BBC ai langhnak zuk

Kin dung UN thurelcathnak ah Israel te in West Bank hmunram ah inn sa tuh lo hang in thu khansah ii..He thu heh Israel PM Netanyahu in hlun tuh lo ing tin phuang awng ii..UN ah thu suahtu heh Obama acozah in thusuahhnak ii tin rel ve vek ii..He mi West Bank ah inn sa tuh in cawlom ruaihnak heh USA Republican le Democretic party lam in khai lungsia tlang ngai vek tin Fox New ah hmu i sing..
West Bank ram,Palestin ten a relhnak pawl(hmet tu)

Tuluk ram khuadap ngapom puai(winter fishing festival).

Tuluk ram Tikhal lak ah nga pom

Tuluk ram hlanglam,Dorbod Mongolian Autonomous, Lianhuan tikulh ah kum siar bawn tio de hnak (winter fishing festival) ah nga tamroh pom tlang vek ii.Dec/24/2016 in nga pom tlang vek ai a ngawber 20-25kg in a beuhber 2.5Kg in a vek in 50,000Kg vum heh cet thawn pom tikhal ret in surpui(net)thawn,hmundang in a sik tuh in kawi tu kha minung tamroh i tin rel ii.

He mi ngapom puai heh bawn tio de ang in zarhkhat song i tuh tin Li Kewen in CCTV News ah relhnak nai ii.

December/25/2016,Merry Christmas hmang lar hmangtu pali...

December/25/2016 nia hmang lar.

USA President Barack Obama le a fanu laivumpui ai Christmas (Nun Otu suak)kin hmang tlanghnak nia ah hiam roh in lo hmang ve vek hmun tu naupang sal hmun ah hiam roh in lo hmang ve ii.

President Obama pafa le a fanu rualpui te thawn Hawaii ai Breakaut Waikiki ah Christmas hmang tlang ai hiam roh in lo hmang tlang vek tin thu za i sing.TNYP New

                   Obama le a fanu

Hmai hla ni 20 nia USA President pertuh in thukhamhnak nai tutuh President thar Donald J Trump le The First Lady cangtuh Melania tu Florida,Episcopal Church ah Christmas hiam roh in lo hmang vek ii.He mi Church ah Trump le Melania naidun fangin kutsih hmun Church ii.

Rv.James Harlan in Pathian thu relhnak nai ai,USA President per tutuh te nupa kha mipui thawn kutsih le komdun hnak ah hiam tlang,aipuang tlang rohroh vek ti thu za i sing..TNYP New

                  Mr.Donald J Trump

Pope Francis thurelhnak ngai tuh in mipui thawng ha vum Saint,Peter Sguare ah Christmas thuthangpha relhnak nai ii.2016 kum laivumpui thubuai a tawktu hmuah daihhnak om tu seh tin relhnak nai ii.A hlace in Syria ram ai minung a thawngthawng thihhnak a tawktuh lo nawn lo hnak in laivum ai mi upa te in aphi si tuh in thucahhnak nai cih i tin thu za ii sing.Al Jazeera New

                  Pope Francis

Christmas zing ah Russia Ralkap vanzuang a zuanghnak rai lo ah tlok i tin thu za i sing.Minung 92 vek ai cia song ah Media minung pakua le lasa thiam kumthar hrang lasa tutuh minung pariat khai tel ii.Syaria ram vanvum ralkap sakhan ah feh tumhnak i ai a to tu aisu khai luattu om lo ii.Timbaw pasarih le Helicopter thawn a si fangin black sea ham ah hmu i tin thu za i sing.RT News

Russia Ralkap vanzuang tohnak

Israel in UN le USA Obama acozah vum ah lungsia..

    USA President Barack Obama

Israell mi le Israell Prime Minister Netanyahu in USA President Obama acozah vum ah thin ur.

Israel Bible..

(‘“”Mi pha lo in Pathian minung te ai ram tu uk tuh trio lo ii.Uk trio ii lekhaw Pathian ai minung pawl in phat lohnak bawn mah pang vek ai.”””((((Saam :125:3))))),,,,)))

Mania tlawngkai ninga nia UN Security Council meeting ram 15 telhnak ah Israel in West Bank ah inn sa tuh nawn lo in Palestinian pawl in thuthun man vote tlang vek ii.USA tu vote pe lo in om ii.Ram 14 in lungkhim tlang in inn sa tuh nawn lo in vote pe tlang ii.He thu heh 2011 lai ah khai thu om awng ai USA in vito thu naihnak in lon sah awng ii..Tuntum tu USA,Obama acozah in Israel te vum ah vote kha pe lo,vito thu naihnak kha hmang nawn lo man Israel te in West Bank ah inn thar sa tuh nawn lo in thu khansah ii hang.

                          Israel PM Netanyahu

PM Netanyahu in Syria le Middle East ah mipui he tih rori rek tuar kha UN zaikha naper lo ii.Dap neu in om menma,za lo neu ang in om menma,Middle East ah kin mah ian Democracy man UN tian ah thupneu in kin phiarru ii si,Hmai ning song(zakthi)lo maw tin UN te vum ah relhnak nai ve ii.

Israel in a rang thaiber in New Zaland le Senegal ah ambassador kin dahhnak kha lang tuh sal ing..UN thukham pompui tu le ruahhnak pe tute i ti ii.Hmai hla ah Senegal foreign Minister in Israel ah tlawn tumhnak kha thrulh tuhsal ing,bawmhnak kin pe dehnak khai pe tuh nawn lo ing ti ii.

                 USA President thar per tutuh Donald J Trump

Mr.Donald J Trump in UN in Israel vum ah lungsiakul in lo dah in khai kaimah acozah in Israel vum ah phathnak in tungding tuh sal ing ti ii.Trump heh hmai hla ni 19 ah naper aphnak nai tuh hang man Israel te vum ah UN in a thu khansahnak khai phelhsah tuh in USA a vito thu naihnak hmang leh tuh ii tin kha umlamhnak nai vek ii.

Vito thunaihnak naitu United Kingdom,Rusia,Frence,China te in he thu khanhnak tha pe tu te i ti ii..

Thuthang lang hmun:A Cuan Tlang,BBC,Breaking Israel News,

Kawlram 2008 dan hampui zaikuam ah rem thil tuh?DVB debate.

Zai kuam 2008 dan hampui rem thil tuh?(part 1)

Zai kuam 2008 dan hampui rem thil tuh? (part 2)

Zai kuam 2008 dan hampui rem thil tuh? (part 3)

Lumte khua khuabawi pertu awng le per kum te pawl.

 Lumte khuathar,Thingkawn mual vum ai khua tohnak ii.

Lumte khuabawi per awng tute pawl

(1)Pa Hoih Kar,            Perkum(1898),              Pervo pehnak.

(2)Pa Nai Kham,          Perkum(1899-1927),      Pervo pehnak.

(3)Pa Hoih Kar,             Per kum(1928-1939),    Pervo pehnak.

(4)Pa Za Luai,              Per kum(1939-1943),    Pervo pehnak.

(5)Pa Rel Luai,             Per kum(1944-1951).   pervo pehnak.

(6)Pa Than Thio,          Per Kum(1951-1952),   Pervo pehnak.

(7)Pa Major Kap Cong, Per Kum(1952-1956),   Pervo pehnak.

(8)Pa Hlawn Sum,         Per kum(1956-1958),    Democracy rilhnak.

(9)Pa San Sum,     Per kum(1958-1962),   Democracy rilhnak.

(10)Pa Hlawn Thang,Per Kum(1962-1965),  Tawhlanzi rilhnak.

(11)Pa Con Herh,   Per Kum(1965-1972),   Tawhlanzi rilhnak.

(12)Pa Khua Bil,     Per Kum(1972-1974),   Tawhlanzi rilhnak.

(13)Pa Nai Kim,       Per kum(1974-1978),     Socialist rilhnak.

(14)Pa Luai Ci,        Per Kum(1978-1982),    Socialist rilhnak.

(15)Pa Khua Bil,      Per kum(1982-1986),     Socialist rilhnak.

(16)Pa Do Ci,          Per kum(1986-1988),    Socialist rilhnak.

(17)Pa Con Herh,    Per kum(1988-1991),    Ralkap rilhnak.

(18)Pa Bawi Kheng, Per kum(1991-1992),    Ralkap rilhnak.

(19)Pa Nun Uk,        Per Kum(1992-1996),    Ralkap rilhnak.

(20)Pa Ral Phun Khuai,Per kum(1996-1997),     Ralkap rilhnak.

(21)Pa Lian Za Kulh,   Per kum(1997-1998),    Ralkap rilhnak.

(22)Pa Bawi Kheng,    Per kum(1998-1999),     Ralkap rilhnak.

(23)Pa Za Hlai Sang,   Per Kum(1999-2003),    Ralkap rilhnak.

(24)Pa Khua Tin Tlir,    Per kum(2003-2004),    Ralkap rilhnak.

(25)Pa Nun Uk,            Per kum(2005-2007),    Ralkap rilhnak.

(26)Pa Sian Khaw Thang,   Per kum(2007-2008),     Ralkap rilhnak.

(27)Pa Saw Kulh,        Per kum(2008-2010),     Ralkap rilhnak.

(28)Pa Thawng Kip,    Per kum(2011-2015),     Democracy rilhnak.

(29)Pa Van Bawi Lian,   Per kum(2015- per lai),  Democracy rilhnak.

A vum ai te pawl Lumte thuanthu,Pa Khua Duh in nganhnak song ai sik fawmhnak in nganhnak ing.

Disco Christmas laBoney M)hmingthang suakhnak thu/

Boney M thutoi
*************
Disco Christmas la hmingthang
Boney M Group a suakhmun tu Germany,1975 kum ah Boney M band remsal,suahtu Frank Farian,lasa tute Liz Mitchell,Marcia Barrett,Maizie Williams le Bobby Farrell te pawl ii.
Boney M group in album hmasaber a suahhnak tu(Take the Heat off Me) tihnak 1976 kum ah suah vek ii.

River of Babilon

Mary Boy Child