Rua Tii in minung hrang thil pharoh kin pe thil ii. Kon tin lang tuh, kon tin bawn tuh?

          Rua tii heh China le Thailand ah tu pursum hnak thupui roh hmangtlang hnak rai zo hang ii. Rua tii ai a danglam hnak tu tii menma thawn a bangdun ( color) nai lo ai tii menma thawn a danglam hnak tu Rua Tii ah minung hrang nuncak hnak thazang nai ii.

          Rua Tii ai neh ben hnak Urhnak tu kal ah lungto te rial ben ai zin hlum nai te hrang ah kha pha ti ii. A thupui ber ai a thil tiben hnak tu Rua Tii ding lekhaw ruangram rip pepo hnak kha ruangram zaang ben hluanghlo ti ii. Rua Tii ding fangin mit vaai thah miamo pawl hrang ah kha mit ciang hnak hrang ah pha ti ii.

         Kon tin Rua Tii lang ai kon tin Rua Tii khawl tuh ti pawl tu BBC in he tin ngan ii. Rua kaak tan tuh lole Rua kungpui vaang in a mit vum neu ah kheuh tuh ai (plastic) thawn dong tuh, sunlak tu rua tii suak de lo ai zaan fang ian in rua tii suak de ti ii. Rua tii suak tamber caan tu zinglam 4 dung heh rua tii suak tamber ti ii. Rua tii lang cia hnak heh a dap hmun ah khawl tuh ai rua tii a aihre thah suak lekhaw ding pha nawn lo ti ii. Thailand ai rua ti in pumcawm hnak situ pa in he tin rel ii. “zing neu rua tii dong hnak te pawl (plastic) ah fun ben hnua tikhal(ice) thawn dah ai rua tii hawm hlan zing neu pah khuasong ah zuar de ing.” tin rel ii.

       Rua kung khat ah zan khat in rua tii (5 liter) dung suak ben de ai Thailand ah liter khat ah Thai Bat 15 in zuar de ti ii. China ah tu he hnak a man a let in tam ti ii. Rua tii a suak pha pawl tu kin lam in rua pui kin tihnak hmunkhat ah a tomhlawm in po thai bial ai a kung kha ngawpui pui de ii.

Myanmar rampui President a pertu hming le a per kum te pawl ii. Lingkuahnak.

Myanmar President a paha hnak ah U Win Myit tu aisu bang in kha ling tuh tlang in umdun ising. A pakhat hnak in pahnih hnak, pathum hnak te tang aisu te pawl i pa? a hnia ah siik tlang aa sing.

President a per hmasaber ah U Shwe Taih (1948-1952)

President a per pahnih hnak ah U Dr. Bah U (1952-1957)

President a per pathum hnak ah Man Win Mg (1957-1962)

 President a per pali hnak ah U Ni Win (1974-1981)

 President a per panga hnak ah U Sing Zuh (1981-1988)

 President a per paruk hnak ah U Sing Lwin (1988-1988)

 President a per pasarih hnak ah Dr. Mg Mg (1988-1988)

 President a per pariat hnak ah U Ting Sing (2011-2016)

President a per pakua hnak ah U Htin Kyaw ( 2016-2018)

President a per paha hnak ah U Win Myit (2018 in per thok lai)

A hnia ai DVB new in presentation a bawnhnak sik tlang aa sing.

Pursum hnak ah nupang pawl kontih dinhmun ah hleng pa hang?

Myanmar ram ah percent in nupang tam sawn ai zaiman hohatu lam ah nupang tam lo i pa?

Myanmar ram ah nupang phunha ong tam sawn ai zaiman rank sang ah nupang tam thil lo i pa? Myanmar ram ai nupang mithiam te pawl in DVB new ah thurel tlang hnak ngai tu ve hrimhrim.

Tlangvum mi vaithal awhtu pawl in President thar vum anghnak thu a phunphun in rel tlang vek.

         Saklam pawlkom tlangvum mi maithal awhtu te le rampui kap daphnak hmingkhen tute (NCA) ai hmingkhen tu tlangvum mi pawl in kha Myanmar President thar angpui hnak thu suah vek ii.

Rampui ai thupui hmun Pyituh Huttaw ah Chairman thar Khrihfa pa in konghoi ve hang.

Rampui ai a thupui ber hmun pakhat Pyituh Hluttaw ah Chairman thar Khrihfa Kachin pa in konghoi ve ihang. Rampui le Daan bawn, rem hmun Pyituh Hluttaw songah khai a nung Pathian in a kut cak lang ruai tu rianro selaw.

Hluttaw in President thar a phuang ve le Daw Aung San Suh Gyi zung in video hlat ve cih vek ii. Ngai tu ve thu ling pha tampui om ii.///

28 March 2018 Hluttaw ah Myanmar rampui President thar U Win Myit President, U Myit Shwe VP1, le Pu Henry Van Thio VP2 ti'n a phuang ve le Myanmar rampui thuron petu office in a hnia ai video hlat ve cih vek ii.

Angngai in vaai caang ii sing President thar le Vp te pahnih vum ah a nung Pathian in lo ompui tu selaw.

2018-2020 President lawyer U Win Myit

Avai ha hnak Myanmar rampui President rildun hnak heh 28 March 2018 nia ah rildunhnak nai ii. 2008 daan hampui ai pukmah 60(kahkhui) angin Amyota hluttaw, Pyituh HLuttaw, le ralkap MP thawn zavek kom in VP pathum heh President ril tlang tuh ii. Tunnia President riltutuh MP minung heh (636) khim ai ciahmuah in President (vote) pe tlang vek ii.

President hlun U Htin Kyaw a naper in com ai lawyer U Win Myit heh VP in ril tling ai Pu Henry Van Thio, ralbawi Myit Shwe, le lawyer U Win Myit he te pathum songin President, VP 1, VP 2 ti in (vote) ngah tamtam in President ngah tuh ii.

President           (U Win Myit ) vote ( 403 ) ngah ii.

Vice President 1 ( U Myit Shwe ) vote  ( 211 ) ngah ii.

Vice President 2 (Pu Henry Van Thio  ) vote   ( 18 ) ngah ii.

Rampui uktute vum ah a nung Pathian in lo ompui tu selaw.

President aisu in vote tamber ngah sik tu hang law,..

A hnia ah sik tu ve hang law.

Aisu in President ngah pa? live in sik tu ve.

President cuhtu te pathum

March 27 nia heh NLD party pawl in Tatmadaw nih ti'n hmang lo. Zaiman?

NLD party hoha tu te pawl

*************

Buchuk Aung San san lai ah ralkap, mipui, le tlangvum mi te zavek kom cangsuakhnak i maan 27 March nia heh Tatmadaw Nih ( Arms Force day) ti'n hmangtuh cang thil lo ii tin dingpui ai Tawhlanzi nih ti'n hmang vek ii.

VOA in phuanghnak ngai tu tengteng law.

Myanmar rampui President pathum te ai a thula.

2018-2020 Myanmar President

             Pu Henry Van Thio

             **************

             Pu Henry Van Thio tu Pu Lian Tlung le Pi Ngun Par te fapa ii ai August 9, 1978 Thantlang peng Tikir khua ah suak ii. A naupang lai tu a khua ah tlawngkai de ai Hakha BEHS tlawng ah phun ha tian ii. Phunsang tlawng tu Mandala le Yangoon ah kai ii.

             Pu Henry Van Thio tu ralkap per awng ai Mahor tian ngah awng ii. Cia hnua Mandalay ai Virginia cetzung hotu le Sthmuh 1 ah Assistant Manager kha per awng ii.

             Pu Henry Van Thio a nupui tu Dr. Sui Hlawn ii. Fate pathum nai ai, a fate pawl tu Salai JC Van Bawi, Mai Jennifer Ngun Sui Par, Le Salai Joseph Van Thio he te pawl ii.

Pu Van Thio tu President kha ngah lo, VP 1 kha ngah lo, VP 2 thotho ngah tuh ii. Zaiman?

Zuk: Pu Henry Van thio le Daw Aung San Suh Gyi

         President thar a phuang hlan ah hlirhnak nai tlang aa sing.

         Mania Pyitu Hluttaw chiarman hlun U Win Myit heh VP in riil tling zo ai President pertuh in a ihnak tling maw tling lo tihnak sikfeltu te in kha a tling lo hnak hmu lo maan mania pyitawngsuh hluttaw ah U Win Myit heh VP in tling hnak thu phuang zo ai, March28,2018 nia ah President rilhnak vote pe tlang tuh ihang.

        VP thar lawyer kha per awng, Pyituh Hluttaw chiarman kha per awng tu U Win Myit heh 8888 tlawngta hoha tu lam ah tel awng ai ralkap te in thawnginn ah kha toh awngtu pakhat i ve ai, NLD party EC ah khai per awngtu pakhat kha ii. Hluttaw chiarman a per kum hnih songah U Win Myit heh lawyer kha per awng cia i bang pah in a rualpui Hluttaw kulsale pawl in kha daih in a lungkhim ngai vek ti heh media lam ah hmu thil ising. Zaiman tifangin U Win Myit heh mipui lam ah kho ngai in ding ngam ai a kul hmun ah ralkap te kha thurel pha om lekhaw suup lo in rel ngam sutso tu pakhat ii. NLD hohatu Daw Suh in khai a rinsanhnak minung pakhat i ve ii.

     Zaiman U Win Myit heh President per tuh ti'n mi tamsawn in rel tlang hluahhlo ti fangin VP minung pathum songah Hluttaw in vote pe tuh vek ii a pathum in cia songah Pu Henry Van Thio, Ralkap ralbawi Myit Shwe, Le U Win Myit he te pathum heh President, VP 1, le VP 2 tin vote ngah tamtam in dinhmun ngah tuh vek ii. NLD party EC in U Win Myit heh ril tuh in um tlang ii. Zaiman tifangin amah heh NLD ah kum raipui om cia zo minung le Daw Suh mi rinsanhnak minung pakhat i ve maan ii. President ah NLD party minung pahnih le ralkap lam in minung pakhat i ai, NLD lam in U Win Myit heh President tling tuh in vote pe tuh tlang tengteng vek ii.

   Zaiman Pu Henry Van Thio tun ai amah dinhmun VP 2 ah ding in tokheng ngah tuh thotho tin relhnak heh hetih bangin thu om maan ii. NLD party in U Win Myit le Pu Henry Van Thio he te pahnih minung om ai U Win Myit heh a bur in vote pe kul ii. Cia lo fangtu ralbawi U Myit Shwe in President per ngah tuh heh NLD party in daih tuh hrimhrim lo ii. Zaiman ralbawi U Myit Shwe in President ngah tuh laukul ti fangin ralkap kusale le USDP party te in ralbawi U Myit Shwe vote tuh tengteng ii. NLD party songah tlangvum mi NLD party member pawl in khai Pu Henry Van Thio heh vote pe lo in omtu kha om tuh ii. Zaiman fangin U Win Myit heh kawl pawl in vote tuh tengteng ai, ralbawi pa in neh tuh kha lau tu kha om tuh  ii. Ciaman NLD party in a tlingber le Daw Suh in a daihhnak pa heh a bur in vote pe tengteng kul vek ii,.. Ciaman kin Pu Henry Van Thio tu vote temneu ngah in kha kin lungsia tuh pha li om lo ii.

India kum 19 nu in ralkham nupang bawngbi songnawh bawn.

Seenu Kumari, kum 19

       Uttar Pradesh ai Seenu Kumari tihnak kum 19 nu neu in bawngbi songnawh ralkham tu bawn ai laivum mi a ling tu hmuah in thinlut tlang rohroh ti ii. He mi bawngbi songnawh ah GPS, palik ko hnak, le video camera hmaizuk khum thil hnak te pawl khim liang in om ti ii.

       He bawngbi songnawh heh $80 man ii ai, misual te in nupang sualpui tum in a bangbi hawk sah lekhaw palik te hmun ah a mah neu in phone ko cia zo hang ii. Cia a bawngbi ah GPS kha tel cia maan palik te in kon hmun in kin ko tihnak lin ai misual te kut in luat thil tuh ii. He bawngbi ah video camera kha tel cia maan misual te tlan in kha misual heh aisu tihnak ling tuh cuamco hang ii.

       Laivum ah nupang te pasal misual te in reem tamber ram heh India kha tel ve ii. He bawngbi heh zapui hmang tuh in suah ngaingai lekhaw ramdang in khualtlawn vaak te hrang ah kha hmang thil tuh ai pasal misual te in nupang reem lawm tuh deuh hang ii tin rel ii.

      A bawngbi hawk tuh lekhaw a bawngbi hawk tuh hnak code nambat om ai zinsawt hiam in kha code nambat hmet in ciatin zinsawt, buruuk to kul tuh ii. Ral khamhnak nupang bawngbi songnawh heh a rit thah, a sah thah ngai ti ii. Maimu kham thil in bawn ai, vaang in aat li in kha caan tampui rai in aat thil tuh ii ai, cia lak songah palik te kawi man ngai khaw misual te kut in luat man tuh ti ii.

     He mi hnipuan mi zapui in hmang thil in zuar peupeu lekhaw palik office lam ah phone ko li om lemlo hang in misual te in a lau tuh hang ii. India ram ah khualtlawn ramdang mi, amah ramsong nupang naupang te pasal in sualpui lole misual a tomhlawm in khualtlawn ramdang nupang sualpui tibang thuthang heh siar pha om tio de heh lawm tuh deuh ii.

Direct link www.globalcitizen.org

Video siktu.

Source: Global Citizen 

Best Kung Fu Action Full movies

Naked Weapon

Watching Here>>>>>>>>

Academy Award ngah thar tu Paing Phyoe Thu.

A hnia ah a anghnak thurel lo ngai tu ve law.

Myanmar rampui President thar in rampui pha thai tuh in hoha ben tuh maw tuh lo? DVB new vote.

DVB New ai vote bawnhnak 

DVB New in Myanmar rampui konghoitu President thar rampui pha thai tuh in
hoha ben tuh maw? tihnak debate ii. Ngai tu ve tengteng,..

Hnihsa tomhlawm.

Nupang te huatsuak kha a men in menma lo ve ceh ii. A hnia ai hmet tu law.

President U Htin Kyaw nupui Daw Suh Suh Lwin in hetin a papui thu rel ii.

Saw Suh Suh Lwin

            I papui U Htin Khaw tu a nun cak meng ii. Thin hnawm pha om lo ii. Pinsin ngah tuh in zaikuam ah kha ruathnak nai lo ing. A thok lai ah hlathum a tamber tuh in ruathnak awng ing. President thar a pertutuh kha I papui hnak in zuanzang sawn, thil ti ben sawn le daan le dun ling sawn ituh ko ii, i thai tuh in kha I papaui vum ning sawngen ang in ram hrang ah sawnget tuh in sawmhnak rel ii.

President rildun hnak Pyituh Hluttaw meeting live.

Myanmar rampui President thar ril tlang Pyituh Hluttaw live.

President U Htin Kyaw tohhmun ah to ngah tuh in uum tlang ber hnak lawyer, Pyituh Hluttaw chairman hlun U Win Myit thuanthu ngai tu ve law. Zai tluk in ralkap ukhnak tawng ai zaitluk in tuar ve, a fapa thi tum sizung a om fangin ralkap te in politic pertuh lo hang ing tin thu kin kham tu lai thawnginn song in sizung na fa veh ngah tuh isi tin a ti fangin lungkhim lo maan a fapa thi fangin kha vui ngah lo pah hang.

Lawyer, Pyituh Hluttaw chairman U Win Myit

U Win Myit heh mipui lam ah ralpha roh in ding ngam tu lawyer, pyituh hluttaw chairman 
pakhat ii.

Mi ralpha politician lawyer, pyituh hluttaw chairman U Win Myit a tuar awng hnak te tu pawl

Pyituh Hluttaw chairman a per ni hnuataber nia.

Pyituh Hluttaw chairman thar NLD party pawl in a daihhnak ril lala zo ang in President thar kha NLD party in a daihhnak President ngah tuh lala ii.

Pyittuh Hluttaw chiarman thar U Ti Khun Miat

           Pyituh Hluttaw Chairman U Win Myit heh a naper in a com hnua tunnia(22/3/2918) Pyituh Hluttaw ah Pyituh Hluttaw Chiarman thar le Vice-Chiarman thar rilhnak nai ben zo ihang,

           NLD party in Hluttaw tohkheng ngah tam i ang pah in NLD party in acozah kha ding ben, rampui thukhanhmun le daan bawn hmun/remhmun Hluttaw tokheng ah NLD party in tamber ngah ii. Kin thuanthu ah za awng lo thuanthu heh Hluttaw  ah rilhnak nai in U Htin Kyaw Myanmar President kum hnih song kin persah zo ii. Hluttaw in President rilhnak napui Hluttaw kha mipui in rilhnak thotho iman President heh mipui in rilhnak tin ko thil thotho ising. Cia lak songah mipui aisu bangin khai ril lo lawlaw hnak Hluttaw ah 25% heh ralkap lam in amah te neu in ngang bial in to vek ii. Amah angki hing te to meng maan Myanmar ram daan hampui remkulhnak a thupui te heh rem thil lo in om ti heh aisu bang in khai kin ling tlang hnak ii,.

Pyituh Hluttaw chiarman (vote) ngah zah.

Vice chiarman (vote) ngah zah.

          Kin President U Htin Kyaw President in a cawlom vele Hluttaw Chairman U Win Myit kha a naper Pyituh Hluttaw Chairman in cawlom ve ii. Amah NLD party song in le mi tam sawn in President thar heh Pyituh HLuttaw Chairman hlun in per tuh in umhnak nai tlang ii… Zaiman tifangin President heh a naper cawlom lekhaw a cawlom in ni sarih songah President thar riltuh tin daan hampui ah om ii. 

He pa heh Pyituh Hluttaw chairman hlun, President thar pertutuh kha ithai,

         A vum lam ah Pyituh Hluttaw Chairman thar ril ai (vote) ngah daan kin sik fangin ralkap le USDP party te heh hmunkhat thukhat in om meng ti heh (vote) in lin thilh ii. Ciaman mi hrekkhat in tu President ril tuh fangin NLD party in hming thun hnak ah tlangvum mi party le a dang hluttaw palai te in (vote) pe thai lo hang ii tin reltu om lianglo ngon khaw tunnia Pyituh Hluttaw chairman rilhnak (vote) sik fangin NLD party lam in hming thunhnak ah tlangvum mi party le a dang palai pawl in (vote) pe ti heh lin leng ii. Cia ang pah in a raihlan ah Pyituh Hluttaw thutai hmun in Myanmar President thar rilhnak nai tuh lala ii. President riltuh hnak hming heh NLD party le USDP party lam in aiawh hming thun in rilhnak nai vek ngai khaw vote ngah tamtam ceh President thar per tuh ceh ihang. Ciaman NLD party lam in Pyituh Hluttaw Chairman hlun U Win Myit heh hming thun ngai khaw a mah in President pertuh ii tin umtu heh a tamsawn ang pah in social media (Myanmar times) tibang lam ah lai hlat zo lianglo ii.

Myanmar President U Htin Kyaw President in cawlom.

Myanmar President U Htin Kyaw

Myanmar President U Htin Kyaw heh Myanmar President naper in cawlom zo hang ti thuthang hmu ising.

BBC te in hetin ngan ii. "Myanmar President U Htin Kyaw tunai a naper in cawlom hiam maan 21 march 2018 nia President office naper in cawlom zo hang ii tin President office fb ah nganhnak nai ii. Cia lek ilo tunai Pyituh Hluttaw Ukatah U Win Myit kha March21, 2108 nia ah naper cawlom hnak lai thun ai President tohkheng ah to tuh in pervo langtuh ii tin Nyipidaw lam in thuthang dik rori BBC ah thu kin than ii.” tin ngan hnak hmu ising.

Zaiman U Htin Kyaw heh a President in naper cawlom hiam tihnak thu nepnawi tu ngan hnak om lo ii.

Mindat peng in U Ni Lin Aung in Pyituh Hluttaw ah a relhnak mak lawlaw/..

 Myanmar, Chin ramkulh, Mindat peng in Pyituh Hluttaw kusale U Ni Lin Aung in Rakhin ram ai Kaman miphun thubuai thuthang lar Pyituh Hluttaw ai a relhnak mak lawlaw ii. A hnia ah full in ngai thil ii.

Rakhin ram ai Kaman thula thubuai thuthang lar.

Rakhin ram ai Kaman miphun innkhi 55 heh Rangoon ah NLD acozah in om ruaituh thu heh tundung thuthang lar pakhat ii.

USDP party pa in Hluttaw ah he thu thun ai NLD party hluttaw kulsale, tlangvum mi hluttaw kulsale pawl in Rakhin ram ai Kaman miphun pawl tu danhampui ang in Rangoon lek ilo Myanmar ram a konkon ah khai om thil hnak nai ii. Myanmar ram miphun 135 songah Kaman miphun kha tel ii.

He Kaman miphun te heh Islam zumhnak nai tu vek ii,. A famkhim a hnia ah ngai thil ii.

Naupang vanram kai tuh maw tuh lo? tihnak relhnak bangdun lo ii. Dr. Hre Kio le Rv. Hoi Cung Tum.

Naupang vanram kai tuh maw tuh lo? tihnak Dr. Hre Kio le Rv. Hoi Cung Tum.

Hnihsa tomhlawm.

A rualpa ruang pum si haang thawn bawn sah maan a thinraw thi banghma. A hnia ai sik tu

Ramthlo ah (Rural Health Center) ngah tuh hang.

Falam peng Pyituh Hluttaw aiawh Dr. Riang Vel in Pyituh Hluttaw ah thuzawt hnak.

Chin ramkulh, Famlam peng, Ramthlo khua ah (Rulral health Center) phuan tuh in sengsinhnak om maw om lo thu tunnia Pyituh Hluttaw ah thuzawthnak nai ii. Nuncakhnak lam Vuanzi in kha petuh in Pyituh Hluttaw ah relhnak nai zo ii.

Chin ramkulh, Falam peng, Ramthlo khua heh Falam in Hakha feh hmun khung hiang ah om ai sun le zan catlo in mai ngah meng ii. Tiding pha kha pha nai cia ii. Laitlang tu lamkhung harsa thawn Ramthlo ah ( Rulral Health Center) hong lekhaw a khua hiang ai minung tethawn mipum thawngli vum heh kilkhawi thil tuh ii tin Dr. Salai Riang Vel in relhnak nai ii.

Nuncakhnak lam vuanzi in he tin rel ve ii. “ RHC petuh le tuhlo sikhnak kin nai fangin pe tlak lo thu thuthum hmu ing ai, lamkhung harsa ze man in petuh in ruathnak nai ruat hlaice in ruatsah ing, ciaman Ramthlo khua ah (Rural Health Center) heh a rang thai ang ber in pervo lang tuh ing ti ii. he khua in Falam peng, Hakha peng, Thlantlang peng tian huat in mi ur te sikdun thil tuh ii tin relhnak nai ii.”

Mipui rilhnak acozah in ramsong ai harsaber Chin Ramkulh le Rakhin Ramkulh te heh a hlaice in bawmhnak pe laiteng ii ai dinhmun pha ngah laiteng ah a hmang thiam le a kilkhawi thiam tuh kha mipui kin pervo i ve ii. 

Hnihsa tomhlawm.

Omhar caan neuneu ah sik riahro kha hiam so ii. Hni kong kha pha ii. A hnia ah sik tu ve, na hni lo om tu hrimhrim lo ii.

A nupui a cal ah zuk mawi neu suaisah lingleng.

Ahnia ah sik tu ve, na hni lo om tuh ngal lo isi.

A nupui zawl.

A rual nu thinraw a phul in phul.

Raul fa te pahnih.