Than Tlang ah Rampui hohatu pa U Htin Kyaw hmun ah thil paha ngenhnak nai vek.
&&&&&&&&&&&&&&&&&
Feb/21/2017 nia kawlram Tamadah U Htin Kyaw le Vuanzi te pawl sunlak 11:45Am ah Than Tlang hleng vek ii,Than Tlang mipui te in vaicanghnak nai ai mipui thawn Hall ah tawkdunhnak khai vek ii.
Kin kawlram president heh Falam-Hakha-Than Tlang tin khualtlawnhnak nai ai kin linghnak ah Falam lam te in ngenhnak thu za lo i sing.Hakha lam te in thil paruk ngen vek ii.Than Tlang te in thil paha ngen vek ii…Acozah hmun ah mipui in ngen tuh le rel tuh heh mipui pervo ii.Bawnsahtuh le tuh lo tu acozah te vum ah thu ii.Ngen biakbo lekhaw ngahtuh uumpha om ii,ngen ngal lo fangtu zai uumpha om tuh ii.
Than Tlang lam te in thil paha ngenhnak te pawl.
(1)Than Tlang ah Ma-Ha-Dat line kin pe tu ih,Hakha le Than TLang karlak ah a ri om tuh seh.
(2) phunsang tlawng kin pe tu ih
(3) zung hmuahhmuah kop zung pakhat 148’,150’ RC dothnih in kin sasah tu ih,
(4) Than TLang ah acozah zung omkul ngon ai a om lailo hnak acozah zung kin dahsah tu ih,zung inn satuh hmun le ram om cia ii,
(5) Than Tlang ah Tii ding pha kin harze man Lahva tiva ai tii kin langsah tu ih,
(6) Hakha-Than Tlang-Saisihchuak lampui Bawinu rawnti ah lai kin bawnsah tu ih,
(7) Hakha le Than Tlang karlak ah Kat-Ta-Za pii 18 kau lampui kin bawnsah tu ih,
(8) Sii inn ihkhun 25 omhnak heh ihkhun 50 ah kin bawnsah tu ih,
(9) Mikhual camhmun inn khualbuuk pha kin sasah tu ih,
(10) Town Hall heh a hnawm ze hang ii,khuapui iihnak thawn a kaihdun lo hang man in a phadeuh in kin sasah tu ih tin Than Tlang mipui aiawh Pu Ram Khar in ngenhnak nai ii.
U Win Khain,Luhmuhzi Minister in khuabuuk sasahtuh tu hmaikum lam ning ruahsah leh tuh,Hakha -Than Tlang karlak Kat-Ta-Za pii 18 kau tu pii 12 kau in bawntuh in thu om zo ii.Saisihchuak lam le Bawinu lai(brige)bawntuh kha 2016-2017 budget ah tel cia zo ii tin relhnak nai ii.
Nuncakhnak lam Minister in sii inn sa betuh kha Hluttaw ah relcia zo hnak ii,A kulsam dangdang kha a raihlan ah bawnsah in om tuh ko ii tin rel ii.
A tun ai na ngenhnak te hmuah heh bawnsah in om tu ii.A rang deuh le a hnua deuh ti zong kin lingsah tu ih tin lethnak nai cih vek ii.
Salai Elvis
No comments:
Post a Comment