Tunlai thuthang lar North Korea uktu Kim Jong-un upa Kim Jong Nam,rek dan famkhim.

Kim Jong-un le Kim Jong Nam zuk

Kim Jong Nam rek tuar dan

*********************************

Kin dung neu Malaysia airport ah thih sii pe ai  thi tu Kim Jung Nam thu heh laivum pui thuthang ah lar ngai thuthang pakhat ii.Malysia hrimhrim in khai a mangbang roh vek ii.A rek dan heh khuaruahhar thai ngai ii..Pasal pakhat in Indonisia nu le Vietnam passport keng tu nu(Doan Thi Huong,kum 28)thawn a liamcia hla ll lam ah komdun zo vek ii.Cia,cia pa in midang pa 4 thawn hmel lingdunhnak (introduce)bawn hnua ah naper baineu ning ruai tuh ing tin nu pahnih hmun ah rel ii,.Cia tu tunlai hmingthang Cellphone Camera thawn selfia zuk bawn ang i tuh ii,KLIA airport ah bawn ngai sikhaw $100 veve ning petuh ing tin ti vek ii.Ciaceh nu pahnih te in mi rektuh tihnak ling vek lo ti ii.Pasal pakhat heh a hmai ah mithli tlok thai sii noihsah ngai sikhaw ningmah tu tlan tuh cih ti ii.Cia ning bawn teng ah cellphone camera in ning zuk tuh ti ii.

Kim Jong nam rektu

Kim inn songsang thutoi

******************************

1.  Kim Jong Nam heh Nort Korea ram ai pathian ang in a ruahhnak Kim II Sung(1912-1994) ai tefa te ii.Kim II Sung in fapa pakhat le fanu pakhat nai ai a fapa tu Kim Jong-il(1941-2011) ii.Kim Jong-il in a tunai mithi pa Kim Jong Nam(DOB:May,10,1971) heh nu dang in suak ai a tun Nort Korea uktu Kim Jong-un(DOB:Jan,8,1984)ah nu dang in suak ve ii..Paa khat,nu dang vek ii.A dang a unua te kha om ve ii.A pa Kim Jong-il in a hlan ah tu amah a roco tutuh in ruahhnak tu tunai mithi tu Kim Jong Nam i ngonkhaw a ni tu mi nunnem i man Nort Korea ram heh kinmah(Kim Dynasty) songkua in kumpibawi uk ang in uk meng kul lo ii,mipui daihdan ang in konghoi tuseh tin rel awnghnak man a hingtu a pa Kim Jong-il in uar lo hlawh leh ii.Cia hnua 2001 ah thupneu in Japan passport diklo bawn ai Japan ram ah lut cul awng,cia hnua hrimrhim tu a pa in tunai a thi tu Kim Jong Nam heh umlohnak nai pan ai,Nort Korea uktu Kim Jong-un tu sawn heh a rocotu tuh in rilhnak tin zumhnak nai vek ii.

1. Atun North Korea uktu Kim Jong-un heh aap le a pu te hnak in sualsawn tin ruat vek ii,.A hingtu apa Kim Jong-il ai farnu(a nani)ai pasal General Jang Song-thaek rori kha ukhnak i suttum tin sualpuh ai rek hnua ah uico 120 rual in a sa te ai ruai tin(UK Independent NewS)in 2014 ahngan awng ti ii.Cia tunai a thitu a upa Kim Jong Nam kha pomtuh,rektuh in thilpai tio de ti ii.2012 lai Taiwan ah rektum awng zo ai rek ngah lo in luat awng ii.A nau pa Kim Jong-un hmun ah ninghio ngenhnak lai kuat awng ii.Ninghio neu in i rek tum mahang ti ii.Korea ah khai om ngam lo China,Taiwan,Singapore le malysia dung ah vak lianglo in om ai China ah khai nupui le fa te kha nai ti ii.Kim Jong Nam heh inn songsang le suahkeh dan te pawl heh (Kim family)thu heh fiang ngai in ling tu i ai,a pa in North Korea konghoitu tuh i man a pa in thu hmuah lo zirh awng man a nau Korea uktu Kim Jong-un in phuang leh pang ngai ti lau man in rekruaihnak i tuh ii tin umhnak nai tlang ii.Tuntian North Korea in mithi pa heh Kim Jong Nam ii tin pomhiam lailo man Malysia cozah in a ruang heh North Korea uktu a naupa Kim Jong-un hmun ah pe hiam ve lai vek lo ii.A kenghnak passport heh North Korea passport i ai,a hming tu Kim Chol ti ii.Kim Chol kha rek awng zo ti ii.Tuntum ah Kim Jong Nam baineu in rek thilhnak heh FB a hmanghnak ah Kim Chol hming tu hmang napui a zuk te pawl a dahhnak te heh amah Kim Jong Nam rori ti heh fiang ngai in ling fiang vek man baineu in rek thilhnak i tuh in um vek ii.Hmingthang pawl hrang ah FB kha ralring kul ngai pan ii.
2. Kim Jong Nam heh a nupui hmasa Ms.Shin Jong-hu thawn fapa pakhat nai ai a nufa in China(Beijing)ah om vek ii.Cian a nupui hnuata tu Ms.Lee Hye Kyong thawn fapa Kim Han-sol(kum 21) le fanu Sol-hui(kum 18) nai vek ai cia te tu Macau ah om vek ii.Atun a pa Malysia ah rektuar ti ling vele Macau palik in a inn kilkhawi ve cih ti ii.Zaimantifangin a naupa Kim Jong-un in a upa Kim Jong Nam songkua cimit tumhnak nai pangfang tin humhimhnak palik in pervo lang cih ti ii.Beijing ai a nupui in mi rekruai i thai ii tin thu laileng suak lianglo kha om ii.Zaikhai ta le thu umtuhhnak ber tu a hlan ah khai rek tum tu a naupa Kim Jong-un i tuh ii tihnak heh thu nongber in umpha ti ii.

Victor Khen Sang nganhnak

famkhim siar hiam hrang(he ta hmet tu)

famkhim siar hiam te hrang (he ta kha hmet thil)