Locom khua le Phun Nim,Ring Hiam thuanthu

LO COM KHUA LE PHUN NIM, RING HIAL THUAN THU
**************************
#1 1
Thuan thu ti hnak heh ai su tten in khai ngan tlang liang lo de le kin hmuh daan le kin ling daan heh a tem le a tam in dang duun tlang de ii ti heh mi za pui in kin ling ciang hnak ii, I na pui ai a tlawn pui thu in tu a bang duun tlang de pah ii, cia mi a dang duun hnak neu neu kin siik fang in 1/- kin (Lai lu ) taar hnak man in khai ii. 2/- lai ngan tu te in a ling hnak ber heh a mah le a unau a hiang ai a nong tu ber te ii, 3/- mi nung kin I hnak ah ( Duh ham hnak ) he mi te pa thum man in kin thuan thu heh tem neu tten in dang duun zian zo de hnak ii.
Cen tun ai thuan thu i ngan hnak tu, a mah Pathian in he bang ai Technologies kin saang ruai zian zo hnak zar to ve ngang ti in i ngan hnak ii, cia bang pah in ning thin song tlum lo hnak te om le khaw he mi a hnia lam ai Email Or Facebook ah Comment tuh in thin lung ciang ngai in ning sawm ing.
I lai ngan tuh daan heh he tih bang in i tuh ii, hlan laai ai deuh te pawl tu a kum ngan tuh lo ing, zai man in ti fang in hlan lai kin pa te heh LAAI thiam lai lo man in, mi hrek khat te in ngan de hnak Mirang ( English ) te ngan hnak ti na pui ai kin ruat ciah co fang in English san Japan san heh 1900 kum kiim veel dung ii le cia mi teng dung fang ai Lai mi te in mi rang te reel i tur khaw mi rang te ngan hnak kin ti hnak ciah English te biil song ai a za ruai tu tu maw, Lai mi te tho tho ii, ti nuam hnak tu maw cia man in 100% hman ii, ti thil lo man in hlan lai ai thu te pawl tu ( a kum ) ngan i nuam lo hnak ii, Locom ai Lai thiam hma sa ber tu KAP HNIN i le mi uk Van Hmung hnen ah lai kuat de ing ti le Hlan lai thuan thu tam pui khai i rel de ii. U Kap Hnin heh Tape Recorder daih thai ngai i le Kai tu Electronic Machanic i per lai kai mah in bawn sah de le Store song ah le La phak ding hmun ah thuan thu tam ngai i rel awng de ii.


# 2, Lai mi te heh Tibet Mongolia lam in, Kaley lam in Ti hliar ( pan munchawng ) , Kau ka lam in lo hong tlang le, Lo com ah khua sat In khua to awng ii. U,Sat Zaam ( Tlang phai ) ai ngan hnak ca uk, Tivang Hmunli thuan thu song ah Phurh Hlum in ti vang Hmun li khua a to, cu tik ah a nu pi in a thlun duh lo ih ruang ah nu pi
2
dang a tthit saal, ti in om ii, cia hnua fang in a nu pui hma sa hming tu ngan ai a nu pui hnua ta hming tu ling lo i ing, ti in om ii, cen kin tlang vaal lai ah Hmun li le Locom lak lawh a tuun ai Zun Hniang khan heh Phurh Hlum khan i awng ii, cia ta ah Phurh Hlum thuan thu heh Kawl lai in ngan awng hnak song ah, UPhurh Hlum pa heh Rul Tho ii, ti le Phurh Hlum in Locom khua ah ( Phun Nim fa nu Leng Hluan ) nuu saal ii,ti hnak Khan lung bir om awng ii, tun in zong a hlun ze man in i na tu a thar ai thleng zo sek man in siik pha om lo i hang.
Ti nuam hnak tu pon mawi lo bang khai cang tuh na pui ai kin pa te in hlan lai a rai ze hang ti hnak heh ( hlan lai Mu ra, eek lai ai ) awng khua hang ii, lo ti de awng bang in, he mi lai teng ah Pa Pa Phun Nim, Ring Hial te heh hlan lai, cia mi lai awng khua in tun nia tian lo om ii, ti heh hmu thil i sing, pa khat ah kin siik leh fawn fang in zai hmu thil fawn i sing ti fang in, Phurh Hlum in Phun Nim fa nu Leng Hluan nuu i fang in tu Phun Niim le Ruul Tho ( Phurh Hluum pa ) heh a kon tih bang in khai khuk khat din hmun ah a kuul hrim hrim ii ti tu a hnok pha om lo hang ii.
#3, Cia tih bang in hlan laai awng khua khua in Phun Niim, Ring Hial te heh ( Lo com khua ) ah om awng zo man in Locom khua heh Phun Niim Ring Hial khua, ti in khai ko thil i sing.
Cia lai teng fang in Phun Niim Ring Hial te heh mi nung tam ngai in lo pung awng le Phun Niim Ring Hial te siin fa song ai Pa Pa ( Thiam Sawn ) in Lumbang khua to awng ii ti ii, he mi i ling hnak tu ka siin in mi tam pui rel hnak in le San Tho Lum bang thuan thu Laai bu pui song ah le Za Thluai ( Lum bang )in Laai bu in suah hnak song ah hmu thil i sing, cen tun teng ah khai Lumbang khua toh kum za thum ( 300 )khim hnak la a puah hnak song ah ( Locom Phun Nim fa suan Thiam Sawn in Lum bang khua to awng ii,) ti in la in sa thlurh thlo hnak Movie suah hnak Online ah hmu thil i sing.
A tuun teng ah ram sa ZUR ti hnak heh Rangoon Ram sa Dum ah lek kin hmu pha om hang ii, cem kin pa te san ah khai Lai tlang ah ( ZUR ) heh a kap za ran lo ii, Lo com Phun Niim Ring Hial fa pa in a tun ai Zir sun mual ah lo kap awng ii ti in i pa in i rel awng de ii.
3
He mi teng fang in Phun Nim Ring Hial te heh a ruang rai khai dik roh roh Tha hat ngai in le Fai khawh thiam, thal kap thiam, sa hrang tam ngai kap man in Zan Niat ram ti men ma nga hang sing khaw, he mi teng lai ah kin zan niat ram tang a kon tih bang ai ko i na maw, ram te in rin san, kih le zuul tlang ngai ii ti bang de. Lum te ai Do Ci pa hnen ah i pa thawn tlawn awng fang in kin rel hnak ah Lum te ah thawn tu te ih Lum te ram song ah Phun Nim Ring hial te in ram pha tam ngai nai i sing kin ma lek a vai cawk lo nai i na sing maw kin pa pa te heh Lo com in Lum te khua kiil khawl tuh ai lo sawm awng hnak man in ram pha hmuah kin pe sek ii ti kin rel awng ii.
Cen Cong kua khua ah khai heh ( Laai raal ) lau ze man in lo com ah Phun Nim Ring Hial te heh Lai ral tawng bawm tuh kin khua ah om tu i lai ti in sawm awng ai ( Hli Hlun ) Feh le om pui awng ii ti bang, Cen a lo ram pe hnak tu tun nia tian Hli Hlun hih hnak ti in a ram hming ah ( Hli Hlun rawl pui ) ti in tun nia tian ram hming ah lo ko meng ii, he mi i ling hnak tu ( Sui Iang pa)Cong kua khua, hnen ah lai bu song ah hmu awng hnak ii, Cen tun in khai siik ning hiam le khaw, Za Uk Lian ( Cong kua khua ) hnen ah siik thil ii. Cen a hin hming khai Hli Hlun ti in tun nia tian ko tlang ii, Phun Nim Ring Hial i sing ti tu ling hlen ii.
Khi tam khua ah tu ( Far do )ti in ko leh thio ii, he mi Faar do a ti hnak tu Lai vuum Mi nung ti hnak ah Mi lian deuh te maw, Fiim zir hnak tam deuh te maw, tha hat ngai te maw, cia mi te heh mi te bawm hnak tam man in i na tu kin hngal kin puar thai deuh ngio heh Lai vuum daan ii, cia bang in Phun Niim Ring Hial te heh a thiam hnak le a cak hnak rin san in lo puar, lo hngal awng de ai mi sual forh hnak mi zawl hnak lo sang man in a zu ri teng fang in Phun Niim te heh ning cak law law ii Faar kuung pui tang vawng tu i lai ning ko daar in do tu i lai Faar kung pui khai heh do ben ning um i ing lo ti awng ai a zu ri kong Faar pan vawng in do tuh in pai ai cia teng ah Phun Nim Ring Hial te mi nung tam pui a tha cak cak te tu thi awng sek ii ti de ii, cia mi te hih hnak in Khi tam te in Faar do hin, ti in tun nia tian ko meng ii.
4
#4, Zan Niat ram song ai Phun Nim Ring Hial te om hmun khua te tu, ( 1 ) Lo com ( 2 ) Lum bang ( 3 )Cong kua ( 4 ) Lum te ( 5 ) Ral om ( 6 ) Za lang ( 7 ) We bu lah ( 8 ) Khi tam, he mi khua riat song ah om tlang ii.
#5, Zan Niat cer hnua Lo com khua to saal tu te pawl ah i pa Cuang Lian pa ( Rah Tlun) khai, pu pa te khua toh lo ngai in khua to saal tu te song ah lo tel ve ii, Cia mi heh To thuang hin te Lai ngan hnak ( Lung bir ) hnak zuk tu kai mah File song ah siik thil i si, No 9 hnak ai Rah Tlun ti hnak heh kai mah Pa Pa i hang, i pa tu Cuang Lian i le Cuang Lian pa heh r Rah Tlun ii. Phun Nim Ring Hial fa song in i hih ria ro hnak Nu pang pa hnih om ii, cia mi te tu, Don Leng nu le Kar Tho nu ( Nai Sung )te ii.
* Kar Hnem song in Rul Det, Rul Det le a nu pui Nai Cung, song in 1/-Sawn hnin ( Van Uk pa ) 2/-Phun Bil ( Ral Lian Kap pa )3/-Man Cawi , he te suak ii. Tun in a tu fa te khai tam pui suak ii.
Phun Bil le Kip Thluai thawn song in, ( 1/- Ral Lian Kap, 2/- IIt Lian te cawi ai. Cen, Nuam Tling thawn song in, 1/- John Bawi 2/- Nu beuh 3/- Hlawn Sang 4/- Phun Za Sang 5/- Thuan Za Kap 6/- Sui Dim, Phun bil in fa te ( 8 )cawi ii. Tu le fa te tam pui nai zo i hang.
* Rah Tlun le Tluang Leng song in 1/- Ram Khur ( Lian Kheng pa ) 2/- Kham Lian, ( Khen Kap pa ) 3/Cuang Lian,( Phun Tlung Pa ) 4/-Tling Nawn,( Khin Ttuai Nu ) 5/-Ngam Ve,( Hluan Ttial nu ) he te pa nga cawi ii.
*Ram Khur fa te. 1/- Lian Kheng 2/- Sia Ngam.
*Lian kheng le Tuak Ttial fa te
1/- Ram Lian 2/-Hrang Zul 3/-Sai Men Kim. 4/-Tuan Hnem. 5/-Cawi Rem. 6/-Ro Siam Thang. 7/-Nuam Bawi. 8/-Run Tthui.
* Kham Lian le Thim Ber, song in Khen Kap suak ii
*Khen Kap le Saw Om fa te.
1/- Biak Nai Zing, 2/- Zun Vang, 3/-San Neh Thang, 4/-Tluang Cer, 5/-Ren Sia, 6/-Ni Ceu, 7/- San Thawng.
5
Ram Khur, Lian Kheng pa le Kham Lian, Khen Kap pa tu ( Mirang Home Guart ) i le Japan ral ah lo thi te ii.
*Cuang Lian le Khuang Co fa te,
1/-Phun Tlung, 2/- Than Cuai 3/-Bia Tthuai . 4/- Bia Kim 5/- Biak Cung 6/-Mang Sung te cawi ii.
*Phun Tlung le Sui Lal Mawi Fa te, 1/- Bawi Lian Sang 2/- Thian Lian Sang 3/- Daih Ngun te cawi ii.
*Bawi Lian Sang le Ttha Lian Twe te song in, Adam Lian Mawi suak ii.
* Hlan lai pah om awng tu Phun Nim Ring hial fa te i man in Locom ram ai ram pha te hmuah
tu kin mah in pan nai sek i ing. * Cen biak hnak lam ah khai Locom Baptist lang tu song ah kin pa Rul Det in lo tel ve, lang awng hnak khiah Lo tson Baptist thuan thu song ah hmu thil i sing.
Cen Lotsom thuan thu Zan Niat cer hnua, Lo com khua toh thuan thu ti in To thuang te ngan hnak Lung bir khai, he mi zawn ah a zuk in telh cih ve ing.
* Cen Lo tsom te heh ( hin nam ) hmuah hmuah sawi dun hnak nai met mo hnak song ah tem neu in rel rih fawn nga sing khaw.
A /- Phun Nim Ring Hial te riah sia, Mai lak Ni bang ti ii, Mai ro lak ai Ni tlang cet hnak heh a kaang, a sa caang ce ii ti ii, a riah sia sawi hnak ii.
B /- Kham Bawi nu pang mi puar ti in sawi leh thio ii.
C /- Nu hma hnaar sing ti ii, a thin lung pha lo, thin cir hnak sawi ii.
D /- Phun hi, Merh mai ti ii, merh mai ti hnak tu mi tok thai bel, mi huat suak, mi hrok hrawl ti hnak ii. E /- Za hni, mi voi, ti bang in sawi duun hnak nai met mo ii.
* Phun Niim Ring Hial le ( Phun hi )thuan thu heh mi te ngan hnak om lawn zo man in tem neu reel nga sing khaw. Pa khat ta Ro Kap pa ( Ral om ) ai i rel hnak daan in,
Phum Niim le Ring Hial Le ( Phun Hli ) heh U nau tlang ii ti in i pa in i rel awng de ii ti ii.
6
Phun Hli heh a tlat sia, ru ko, rong aak ai om li de ii, cen a mah in le a cawh hnak heh kuan ben lo man in a U te in kuan sah de ii, Ni hnua ta ber nia ah tu Cawh kuan la la man in a Unau za thu rel tlang hnak nai
hang. Cia fang in a U te in, na tuar zo lo i hang ing cia man in nang heh ( Zu kha in na suang i hang ing ) ti in lo ti awng ii, Zu kha ai suang , ti hnak tu Hin nam ai lon a hnua ta ber kheek hnak zu ding tlang ti hnak ii, kin mi phun in ( na hli ) i ing, ti in a hin nam in lo lon awng fang in a hming reel lo in ( Phun Hli ) ti in ko thok awng ii ti bang.
Cen Phun Hli ti in a rai pui ko hnua fang in, thu ruat ai Phun Hli ti hlai hlawr tu mawi bang hlah ee, ti man in ( Phun Hi ) ti in thleng leh saal ai tun nia tian lo ko tlang ii, ti bang. Cia man in Phun Hi te heh kin Unau ii khaw ti in 1963 kum ah Sister Saw Kim & Thang Zam Inn Falam ( O P D )ah i pa thawn kin rel awng ii. Phun Niim Ring Hial le Phun Hi thuan thu a com zawng in tu cia hmuah ii.
#5, Cia tih bang in lo com ah kin nuam ngai ai kin om teng fang in kin san khiah har rian ro le mit kin vaar rian ro fang in mi hrek khat in kawl lam ah tlan tu om, lo kin vaai li hnak in Sum pai in tang ka si sawn pha sawn ii ti khiah kin ling fang in kai mah khai Tamu khua ham ai India ram MORE khua song ah Si dawt tuh le Si mu te lang in Tahan ah zuar de, Cen a hrek khat tu kin khua hiang ai sizung neu neu ah si zuar in vak thawh awng de ing. Lum te ah khai, Luai Bawi ( Tluang Kip Hlur ) pa in i lai awng de ii.
Cia tih bang in i vak kong fang in Kalay myo Airport hmai ai Radio Mechanic pa thawn ling dun i ing, cia fang in a mah in Address, i pe ai, kai khai ( TIME Radio Electronic, Hlaing Township, Rangoon ) ah Training hla thum kaai teu ing, Cia ben fang in fa lam khua ah RADIO Machenic kum ( 19 ) per ing.
#6 PHUN NIM te heh Lum Bang ah khai khua lo to awng man in i na tu, kai khai i khua ruat hnak song ah i thin thu rel in i om de ai, Cia hnua fang in U S A ah rong hlawh si bai tuh sawn ii ti in i ruah hnak om man in Oct, 01- 2000 kum ah U S A Guam ah hleng awng ing kai ma lek in. i nu fa te heh Fa lam ah
7
hlum lawk ing. Guam kin om lai fang in kin ang ze man in, kin tu pa Thang Bur ( Engineer ) ho ha hnak in ( Exodus Guam ) ti hnak Lai bu pui khai heh Pathian lam hoi hnak in thu pui ngai in suah awng i ing.
#7, Oct, 17 – 2000 nia fang in U S A Ram pui bawn hnak ( ID card, Identification Card )Hmat pung ttin Card, ngah awng ing, cia ben fang in IL, Chicago khua pui ah hla (11 ) om le, Michigan STATE, Battle Creek ah thawn saal leh thio ing.
Cia tih bang in kai ma lek om le Jan,20 – 2004 nia fang in i Nu pui, Sui Lal Mawi,le i fa te Bawi Lian Sang, Thian Lian Sang, Daih Ngun te Nu fa li i hnen ah hleng thil leh ii Pathian a hming thang phat ing. Khua lam ai kin om lai in khua pui te kawl tlan i ing ti bang in U S A ah, he mi nia fang in a tlan ben i ve hang ing ti ing. A tun ai kin om hmun kin khua Battle Creek khua ai om tu te Guam ai hleng tu Kawl ram mi te lak ah i Inn saang ( Family )te heh a hma sa ber in lo hleng awng ii.
#8 Cen i tu pa Thawng Lian Kar in i hlun ve ai U S A ah Locom te INN hnih om thawh awng i ing, a Nu fa te heh 2005 kum dung fang in lo hleng ve awng ii. Inn saang hleng kin khim man in kin lung awi dan tu a men ma ve lo i hang.
#9, Cia tih bang in kin ma lek om de le Maleysia lam te feh thil hnak hong fang in pa khat hnua pa khat in kin hleng cet co awng ii, a tun in U S A ai om Locom te mi pum kin siik fang in khua ai om tu te mi pum hnak tah in U S A ah heh mi pum kin tam sawn i hang, he mi heh Pathian rem ruat hnak ii.
#10, Cen a hlai ce ai lung awi hnak, U S A, ai om Lo com te hmun khat om tlang thil khal hlah sing khaw ning mah in i hlun tlang liang lo hnak vuum ah ning veek seen hnen ah i ang ngai ii, bu khai i lum ngai ii. #11, Cen Pathian sam dang om lo ii, ning om hmun cang tten ah khai heh kin Bia hnak Pathian Bia tu ngio i law. Psalms, 23 : 1-6.
He mi Laai a siar tu te ning pum paak vuum tten ah Pathian in hmui fu ning lo pe tu se law. Amen.
8
NOTE.
I nu nu Tluang Leng ( Rah Tlun nu pui ) ai i rel hnak ah Lo com te heh, Pawi lam te( Ha kha ) lam te in tu ( Sam tan khua ) ti in khai kin ko de ii, ti ii. He mi thuan thu i sirh san hnak tu a hnia lam ai te hmun in ii.
1/- SAN THO, Lum bang. 2/- ZA THLUAI, Lum bang. 3/- KAP HNIN, Lo com, 4/- ZA UK LIAN, Cong kua. 5/- TSUNG HNIN, Lo tsom. te hnen in le kai mah i ling hnak neu neu te khawm tlang ai i ngan hnak ii.
He mi i laai ngan hnak song in ning thin fit lo le ning fiang lo hnak om le khaw he mi a hnia lam ai Email & Facebook, song ah ( Personol ) in i zawt tuh in thin lung thiang ngai in ning hmuak ing.
Email, Adamsonjohanphun@yahoo.com
Facebook, John Phuntlung JOHN PHUN TLUNG
BATTLE CREEK, MICHIGAN
U, S, A.

Pa Zam Ro Lian in sawnhnak.
******************
 

“Pa Phun Tlung thuanthu diklo nganhnak Reelfianghnak” 
April 22, 2017. Caninia.

He ahnia ai heh John Phun Tlung Rianghial nganhnak ii.

D /- Phun hi, Merh mai ti ii, merh mai ti hnak tu mi tok thai bel, mi huat suak, mi hrok hrawl ti hnak ii. 
* Phun Niim Ring Hial le ( Phun hi )thuan thu heh mi te ngan hnak om lawn zo man in tem neu reel nga sing khaw. Pa khat ta Ro Kap pa ( Ral om ) ai i rel hnak daan in, 
Phum Niim le Ring Hial Le ( Phun Hli ) heh U nau tlang ii ti in i pa in i rel awng de ii ti ii. 
6
Phun Hli heh a tlat sia, ru ko, rong aak ai om li de ii, cen a mah in le a cawh hnak heh kuan ben lo man in a U te in kuan sah de ii, Ni hnua ta ber nia ah tu Cawh kuan la la man in a Unau za thu rel tlang hnak nai
hang. Cia fang in a U te in, na tuar zo lo i hang ing cia man in nang heh ( Zu kha in na suang i hang ing ) ti in lo ti awng ii, Zu kha ai suang , ti hnak tu Hin nam ai lon a hnua ta ber kheek hnak zu ding tlang ti hnak ii, kin mi phun in ( na hli ) i ing, ti in a hin nam in lo lon awng fang in a hming reel lo in ( Phun Hli ) ti in ko thok awng ii ti bang. 
Cen Phun Hli ti in a rai pui ko hnua fang in, thu ruat ai Phun Hli ti hlai hlawr tu mawi bang hlah ee, ti man in ( Phun Hi ) ti in thleng leh saal ai tun nia tian lo ko tlang ii, ti bang. Cia man in Phun Hi te heh kin Unau ii khaw ti in 1963 kum ah Sister Saw Kim & Thang Zam Inn Falam ( O P D )ah i pa thawn kin rel awng ii. Phun Niim Ring Hial le Phun Hi thuan thu a com zawng in tu cia hmuah ii.

A vum ai Phun Tlung thuanthu diklo nganhnak reelfianghnak ngan tuh ing.

# Suahpui unau khai thuanthu reelhnak bangdun lo, ti de bangin kin thuanthu ling daan heh bangdun te lo ii.

“Merh-mai” tihnak tu “thunai” ben roh tihnak lam ah fehpui thil ii. Papa Than Zaam Phunhi hohahnak in Locom heh vaihnihhnak, vaithumhnak tiin khuato tuh baang ta ii. Tun Locom khua song ah khanlung bir khai um tuh ii.

Papa Sun Tai Phunhi khai Khuangcawi ben ii. Papa Khuang Zal khai ponlettu (cakapian) le palik bawi per ai Locom in bawi hmasaber pawl ii. Papa Bawi Tiam Phunhi khai ralkap per ai Pathian thu langtu ii. Papa Phun Hnin khai ralbawi per ii.

Ciabangte manin Locom ah Phunhi te heh “Thunai” (Merh-mai) rohroh ti de baang ii.

(1) Phunhi le Phunnim zu kha suan ai lon dun thu
Phunhi le Phunnim heh nukhat, pakhat unau ii. Phunhi umlo lak ah a naupa Phunnim heh a nupui kil ruai ii. Phunhi tlung fangin a nupui in, “Na nau tu I kil ruai sikhaw I zohsawm bang” tiin ti ii. Ciamanin unau zu kha suan in lon dun hnak tiin ling ing. 
Tunnia, tun can tian Phunnim te nupang lam ah fel thai lo ii. Nupui pahnih, pathum nai thai li de ii.

Hemi zu kha suan in lon dun hnak heh Locom khua ah ii selai mawi ii. Locom ah Phunhi te MUNG nai ai kumsiar MUNG tlung trio de ii. Pau Cin Hau san le Khistian san hleng manin MUNG heh pai ruai zianzo ii hang. Cia Lumbang thuanthu ah tun hlan kum 300 zolo ah Papa Thiam Sawn (Phunnim) in Lumbang khua-to ii ti ii. Cia Phunhi te MUNG in Phunnim te lon manin Phunnim te Locom ah MUNG tlung ti um awng lo ii.

(2) Ringhial hin le Phunhi hin te “Mungtlung Khat” de ii. 
Locom ai Phunhi hin te MUNG ah Ringhial hin te khai MUNG tlung ve de ii. Khuazing pathian kin bia tlang lai ah MUNG in hual dun ai Phunhi le Ringhial te heh MUNGTLUNG KHAT de ii. Tunnia tian Locom ah Phunhi le Ringhial te Dawngpui Tung tlang de lai iiing.

Locom ai Ringhial te heh khua dang lam ah tlan sekso ai Phunhi te thawn unau Phunnim te hin sawn ah lut sio ii. 
Lumte ah Ringhial hin te um bial ve ii. Lumte ai Ringhial te in Locom ah tu Phunhi le Ringhial heh “Mungtlung Khat” ii ti khai ling am hlim lo. Malaysia ah Aatang Ringhial reel ing ai ling lo lawlaw ii.

(3) Ro Kap Pa thu
He “Phunhi le Phunnim thuanthu” na nganhnak heh Ro Kap pa in Falam, Thang Zam inn ah na reelhnak ti iisi. A hnia ai thuanthu heh I ngan hiam awng lo hnak ii. Nangmah in thuanthu diklo ze na ngan bel manin apualeu neu ngan I kul ve ngio ii. Ro Kap Pa le Thang Zam heh unau ii. I pa ai a nu khai Ro Kap pa te farnu ii. Amahte ai Pa tu Lian Ci ii. Lian Ci tu Lian Thang fadawm (cawmhnak) ii. Lian Thang heh Zirbet hin te ii. Fapa Thang Dawn le fanu Zul Nuam cawi ii. Lian Thang in Lian Ci heh a tlangval lam fangin rek tum de manin Kimniang ai a nukhatta Kiim Rul Nu hnen ah relh de ii. Lian Ci fapa upaber Ro Kap Pa san ah Zirbet le Khukhlut heh vai 3 meeting hnua vok ro in kop dun ii. Ciamanin Ralum ah Zirbet Phunnim le Khukhlut Phunnim um thokhnak ii. Zalang ai Phunnim te in Ralum ah Phunnim ngaingai umlo ti bang de.

Ro Kap Pa mifim manin hin vakvai neuneu kopdun sio tuh le hmailam ah mee (vote) kin petu ah cang leh tuh ti in ruatthiamhnak heh upattlak ngai ii.

(4) Ringhial Hin thu
Ringhial hin heh hin pakhat ii ve ii. Locom ah Phunhi te thawn MUNGTLUNG KHAT de ii. Phunhi ah kop iilekhaw Ringhial Phunhi ti thil ngai. Phunnim ah kop iilekhaw Ringhial Phunnim ti kul natu.

Na reelhnak bangin Congkua ah khai Hli-hlun Phunnim um peu ii. Khitam ah khai Hnamte (Fardo) Phunnim um ve ii. Iitdun thiam tuh heh kin thupui ngai ii.

### Thukhamhnak : 
Phunhi le Phunnim heh kopdun tuh in reel zeuhzo de ii. Sazaci Thang Nawn papa Kip Bawi (Thang Nawn pa Za Tiam, Za Tiam pa Kip Bawi tuh ta bang) le sazaci Van Kyi papa Sun Tai (Van Kyi pa Khuang Zal, Khuang Zal pa Sun Tai) san ah Kip Bawi Phunnim in Sun Tai Phunhi hnen ah kopdun tuh in sawm leklo de napui hlanlai daan in zu kha suandunhnak heh kopdun sal fangin hin khatkhat cihmit thai berh tiin sang ii. Ciamanin “Unau lingdun hlen bang ngasing,” tiin papa Sun Tai in sawn trio de ti ii. 
Kumsiar Phunhi te heh Kawl te tiiburh puai can ah Hinkhawm (songkhat khawm) nai trio iiing. Tun zarh tlawngkai NILI (April 20, 2017) ah khai Kalaymyo ah lentai tlang iiing. Kopdun tuh in Phunnim te in kin sawm ii ti tu zaa de napui laingan fefo (official rori) in kin sawmhnak um awng lo baang ii. Locom ah Papa Bawi Tiam, diamond jubilee ah khai Ringhial te thawn lentai iiing ai kopdun hlen tuh thu khai tel ii. John Bawi pa in kin tu Phunnim ah fund (tangka) khon trio zo hang manin Phunnim ah kop hlen rih nga ing tiin kin sawn ii.

He bang Phunhi le Phunnim kopdun tuh thu rel betbo lai ah nang Locom ai Ringhial hin mi pakhat in Phunhi le Phunnim thuanthu Ro Kap pa ai na reelhnak tiin thuanthu diklo pui na ngan heh poi mengmo ii. Kumkhua kopdun thil tuh lo in kin TALTAWK thawn na bang ii. Hmailam ah ralring thiam tum bang nga si. Mi hin thu cece mawilo roh in na ngan ngam tu mi-ralpha peupeu ii si.

Nangmah in Zanniatram Maifar facebook group pui ah hlat bumbo manin kai khai hlat bumbo tuh ve ing.

Pa Zaam Ro Lian Phuni
Midland, Texas, USA.