Tunnia tian Myanmar heh Kawlram tin a diklo pui in ko lai de ii sing.Myanmar tu Kawlram ii hrimhrim lo ii.Kin ram songah Kawl miphun le Tlangvum miphun zavek kom in Ramkulh(State-7)le Ramkhan(Division-7)azavek -14 omhnak kom in Myanmar ram(Repulic of the Union of Myanmar)ii.Kawl pongin (Pyithwngsuh Tamadah Myanmar Naingandaw)tin ko ii.Republic of the Burma/Burmes)ti ii hrimhrim lo ii.Kin ram hmingtu official in (Myanmar)ti rori ii.ngonkhaw can rai rianro hnua ah Burma/Burmese tin kha hmang cih leh vek ii.
#Burma tihnak asullam heh fiang ngai in diction ah fiahhnak nai lo angin Myanmar tihnak khai dictionary fiahruaihnak ngaingai nai cuang lo ii.A pahnih ram hming veve ii.Burma tihnak tu amah kawl miphun ( ဗမာ)kawhhmuhhnak deuh in um tlang ii.Cian Myanmar tihnak sawn heh Kawl(ဗမာ )khihhmuhhnak suak thil lo ii.Myanmar tihnak hming tu 1948 ah suak hampanhnak awng ii ai,komkhawm ram ticanca ii.1989 kum official rori in kin ram tu Burma tin hmang awng ii.Burma tihnak tu official in kin rampui hming tuh in official in phuang awng ii.Rampui hming ah Burma tihnak in Myanmar tin ko fangin kin ram heh Tlangvum mi thawn komkhawm ram ii man Tlangvum mi te in pom sah thil tuh ve ii sing.Burma tihnak in Myanmar tin panpan pha sawn khuakhua.8888 tlawngta te daihphorhhnak a nai ai Kawl Ralkap in rampui thunaihnak lang hnua fangin Burma tin hmang hampanhnak ii,.Ciaman Burma/Burmes tihnak hming tu Kawl miphun khihhmuhhnak ii,santehhnak ah China heh rampui hming ii ai Chinnes tifangtu ramsong mi ticanca ii.Ciaman Burma/Burmes tihnak tu nehsawhhnak ram hming ah cang ii..Myanmar ram tu Burma/Burmes (Kawl mi)in uk diamdo ii hang sing tihnak thawn bangdun ii hang.
#USDP/Ralkap ukhnak san lai ah tu Kawl miphung ian in rampui kin uk man in kin Myanmar rampui tu Burma/Burmes tin hmang tamsawn vek ii.Cia lai san in tun san tian kin lai upa pawl in Kawlram tin a hmanghnak heh peh in hmang lai ii sing.Tun can tu Kawlram tin kotuh nawnlo hnak ii sing."Myanmar"ti rori in koduntuh hang ii sing.Kawlram kin tihnak pongfang heh Burma tihnak thawn a bangdun tin tihnak man ii sing.Myanmar ram tu Kawlram ii hrimhrim lo.
Atun kin rampui Myanmar ram ah konghoitu Tlangvum mi Chin Ramkulh(Chin mi) Pu Henry Van Thio kha Rampui Vice President kha kin persah ve hang.Kinmah Ramkulh khuakhahnak khai ngah zo ii hang sing.Burma/Burmes ram ii lo in komkhawm ram(Myanmar)tihnak hming angpah in kin rampui kha konghoidun rianro zo ii hang.
#Kawlram tihnak tu kin rampui hming ii hrimhrim lo ii.Myanmar tihnak heh kin rampui hming ngaingai ii hang.Kawlram tihnak heh a dik ko ti lekhaw kinmah chin mi(lai mi)te teltuhhnak ii lo ii.Adang Tlangvum mi khai teltuhhnak ii lo ii.Kawlram tihnak a sullam tu (Kawl miphun ram)tihnak a sullam ii.Kawl pong in tu (ဗမာ နုိင္ငံ )tihnak ii.Myanmar ram ti fangin Lai mi(Chin Mi) te ram kha ii lo,Kachin te ram bul kha ii lo,kin zavek ai ram ii hang.Ciaman Myanmar ti rori in hmang tuh ii hang sing.ponglet kha a let kulhmun ah let pha,Myanmar tihnak tu ponglet li kha kul lo ii.Myanmar Country (Myanmar ram)ii hang.
Ciaman lai miphun hmuahhmuah in kin rampui hming ko le ngan fangin Kawlram tin ko tuh hrimhrim lo ii hang sing.Myanmar ram ti rori in ko tumtek hang aa sing./Asullam tu komkhawm ram ti canca ii.Panglung tawkdunhnak khai peh rianro in pertuh in umlamhnak khai nai ii sing.He tih bangin tluang zianzo lekhaw ramkhan(division)heh lon in ramkulh(State)-7 ding lehtuh kha umlamhnak nai ii sing.Zaiman in tifangin Tlangvum mi te in Kawl miphun ramkulh nai kul ve tengteng ii tin auhnak hmasalam ah za tlang tuh zo ii sing.
#Burma le Myanmar tihnak asullam ngaingai heh fiang neu in ngan ben lo ngon ingkhaw Burma tihnak tu Kawl miphun khihhmuh deuh ii tuh ii,Myanmar tihnak tu official rori in 1989 ah (Republic of the Union of Myanmar)tin hmang ai tuntian hmang thotho lai hlen ii.Kawlram tu kinmah Tlangvum mi thawn pehzomhnak om lo ii,kawl miphun te ai ram ii.Chin ram kin tifangin kawl miphun te ram ii tihnak ii ve lo ii./Myanmar tihnak Kawlram tin ponglet li kul hrimhrim lo ii.Myanmar tu Myanmar ceh ii hang.
The Country official full name is The "Republic of the Union of Myanmar).
Ref:ChinIT,Wikipedia le laingantu ruahdan.
No comments:
Post a Comment