san siar daan
*************
San (generation) heh kon tin siar ipa tihnak sik sal aa sing.
Hmasaber in san siar daan kin fiang baai tuh in I pa/na pa ai pa (I papa/na papa) in sik thok aa sing.
Kin pa ai pa(papa) le nunu te in siar thok tuh ii sing. Santehhnak ah kin pa ai pa (papa le nunu) le kin nu pa le nu(papa le nunu) te heh san khat songah huap vek ihang,.Ilekhaw I pa ai pa le nu, I nu ai pa le nu te heh san khat ( 1 generation) tin ko tuh ii sing. Ciatin kin rel fangin kin pa ai pa le nu, kin nu ai pa le nu te heh san khat tihnak i lo ii. San siar daan reldun kin hiam maan santehhnak in hmanghnak ii sing.
Pa pa le nunu (I pa ai pa) te in fa tampui nai bial in khai, fa pakhat hnih neu in kha a fate hmuahhmuah heh san khat songah siar liang ii. Kin papa le nunu (I nu ai pa) te in fa tam roh nai in kha, temneu nai in kha a fate hmuah tu san khat songah i liang ii. Kin pakhatte, nani, papu, ngangak te pawl a kum naupang, upa ti om lo in san khat songah i liang ii. Papa le nunu te heh san khat (1 generation) imaan kin pa le nu, nani, pakhatta, papu, ngangak tepawl hmuah heh san hnih hnak (2 generation) i liang vek ii.
Kinmah, pakhatta fate, nani fate, papu fate, ngangak fate pawl hmuah tu kum upa le nauta om in san thum hnak(3th generation) tin ko i hang.
Ciatih ang thotho in kin fate, pakhatta fate ai fa, nani te fa ai fate, papu te fa ai fate, ngangak te fa ai fate pawl hmuah tu san li hnak(4th generation) tin ko i hang..
Ciatih bangin fate ai fasin lole papa le nunu te ai pasin(aapa) te hon siar le zuk siar rianro san khat hnua san khat tamtuh rianro ii. Hon siar rianro ben ngergno le sikhaw a tawphnak tu Adam ah a tong tuh ii. Ciata tian in na tong lo lekhaw hmunkhat khat na khelh hmun om ituh ii.
USA ESL ai Ms. Charon in kin rel hnak ning hlawm ve ing. Ahnia ai vedio ah sik tu law na fiang tuh deuh ii.
Angze.
No comments:
Post a Comment