9. AWPHAI (VOWEL) PANIH HMANGHNAKTE
Zanniat pon khiah lai in kin ngan fangin, aw com, aw sau, aw
niam, aw sang, aw lai, tibangin a tumce niu \en in ngan tuh dan khiah semkhim
ngaai in nai lai lo iising. Ciamanin, a cang thil thai ber in aw sau suakhnak
ponkamfangte khiah awphai (vowel) panih hmang in ngan iising. Aw sau suak manin
vap ii, nawng ii tibang in khanhnak khai umh lo ii. Hrekkhat ponkamfangte khiah
vap le nawng a panih in hmanghnak khai umh ii. Aw sau suakhnak ponkamfangte
khiah awphai (vowel) panih hmang in a hnia ai bangin ngan tuhhnak ii.
1. Aai (nawng le vap) Phungte in aai sa duh ngaai ii. (nawng
in hmanghnak) Vaneute aai lianglo ii. (vap in hmanghnak) 2. Aang (vap) Na vum
ah I aang ngaai ii. 3. Baal (nawng) Baal I duh ii. 4. Daai (nawng) Daai pharh
ngasing. 5. Haal (vap) Tii I haal ii. 6. Kaai (vap) A aw a kaai pui ii. 7. Laai
(fiangruaitu) Tii a laai niu ii. 8. Laam (vap) Sawm-awih lasa in laam tlang
ngasing. 9. Saam (nawng) Fur fangin saam suak de ii. 10. Zaimaan (zawthnak
fiangruaitu) Zaimaan ling lo ii si? 11. Ngaai (thuamtu) Na ngai ngaai de iing.
12. Paai (vap) Nau paai hang ii sim? 13. Saai (vap) Hnawmbawrh saai tu sek. 14.
Vaai (vap) He lobu vaai tuh iing. 15. Zaai (vap) Hampa heh a zaai baai niu ii.
16. Zaam (vap) Belawi rii-te thing vum ah zaam ii. 17. Kiim (nawng) Lian Kiim,
Zung Kiim, Kiim Sia, tibang in hming ah khai hmang thil ii. Minung hming
imanin, nawng in hmanghnak ii. Daai kiim ngasing. (vap) 18. Tii (nawng) Tii le
mai bang kin cang tuh ii. 19. Cuung (vap) Amahte bawnhnak cuung ngasing. 20.
Kuul (vap) Tangka tampui I kuul ii. 21. Ruul (nawng) Saphai heh ruul phun khat
ii. 22. Ruun (nawng) Kawlpawte a ruun pui in laileng tlang ii. 23. Tuul (vap)
He khuam tuul lesi sawn tuh ii. 24. Uur (vap) Thahai hmin uur ngaai ii.
“Ler” tihnak ponkamfang ah “Mai leer tu” tihnak heh aw sau
suakhnak imanin “ee” tiin hmang kuul ii. Inapui hmun dang ah tu “leer” tiin
pahnih hmang in ngan kuul lo ii. Zaimaan tifangin, “ler” tihnak in a sullam a
dang tampui nai cuang lo ii. Hin hming “Lerngo” tihnak ah “ler” tiin ngan
iising. “Ler” tihnak Zanniat pon ah kin hmang hmun tampui umh bial lo imanin,
“ee” panih hmang kuul lohnak ii. Ciabang aw sau suakhnak tu inapui, a sullam a
dang tampui nai lo ponkamfangte khiah, awphai panih hmang in ngan kuul lo ii.
“Piin” le “pin” tihnak a sullam a dang niu veve nai ii. “Inn piin tuh iing.”
tihnak le “Tangka ning zemhnak I pin ve lo ii.” tihnak ah, piin le pin in a
sullam a dang niu veve nai ii. Ciabang a sullam a tumce niuin naihnak, aw sau
suakhnak ponkamfangte khiah awphai (vowel) pahnih hmang kuul iii.
ZanniatKarama Aw sau suakhnak imanin awphai pahnih hmang
kuulhnakte heh, “aang, caam, kaam, laam, baan, caan, kaan, laan, maan, zaan,
khaam, leeng, cii, rii, sii, siik, tii, hluun, tiin tampui nai iising. Laibu a
dang suah sal fangin, a semkhim amam in bawn leh tuhin ruathnak nai iising. He
laibu ah tu thu feh dan niu hmuhhnak menma imanin, a sau roh in ngan lai lo
iising.
Zanniat karama laibu: No Hlai Mang
No comments:
Post a Comment