Ti-maiko thun lak ah phone dai tuh hrimhrim lo. Ralring pe dun nengno aa sing khaw a laukul daan he video sik tu ve.

Ti-maiko thun lak mawtaw song ai a fate in phone dai ai midang lai lo kuat ti ii. Phone signal le ti-maiko heh tawkdun lekhaw maiko suak thai ai thihhnak tian tawk tuh lo thil thawk thai lianglo ii,. Ralring tahcung om lo ii. A hnia ai video heh Brazil ram saklam 2017/April/8 ah thil canghnak ti ii. Mirang in siar hiam te pawl he ta ah hmet tu >>>>
www.snopes.com

 

 A hnia ai video kha sik tu sal lai, nisiar kin hmanghnak phone battry heh a laukul dan zia a menma lo ii. Kutzung in nel menma kha maikho suak vutvo ii. Ti-maiko (gas) kin thun fangin a khu suak de ai cia mi a khu le phone battry tawkdun lekhaw maiko suak thai pah thotho ti ii.



 

Songlawi mengmo ii. Webulah khuapui ah zapui laisik pha dahtuh hmun (library) hrang inn satuh in a bohnak zavek tumtuh thu za ii sing. Amah thawn video call in pondunhnak ning hlawm lala ing.

 A vum ai zuk te heh amah he library satuh hrang ai bawmtutuh David Thawng Nai hmun in ngahhnak ii ai, Engineering te in suaihnak tin ti ii.


David Thawng Nai thawn zawtdunhnak tu a hnia ai te pawl ii..

Youtube

https://www.youtube.com/watch?v=OTTTpsCFyLc&list=PLL1X6xvqaLVJi6y9-JYDiRdHLEC_zYndd

Naper hmun ah ruh-pelh, thari-elh tuahmawh ngah dun pang aw sim? lau hrimhrim mah Malysia om pawl. Video le ruh hmetthiam pa address phone nambat te pawl, a website te pawl.

MR. Chris Leong heh Maly tuluk te ii ai ruh-pelh hmet thiam hmingthang pakhat ii. Fb ah ni siar in mi te ruh-pelh, thari-elh bawnhnak live in hlat tio de ai a thiam peupeu ii. Abur(group) in naper tlang vek ai a perpui minung kha tam ngai nai ii. Malysia ah zung(office) lole clinic hmun hnih ah nai vek ii.



Selangor le Kuala Lumpur ah nai vek ii. A office te tu

CLM Sunway Damansara (HQ)

SUNWAY DAMANSARA TECHNOLOGY PARK

No 2, Jalan PJU 3/43,
Sunway Damansara Technology Park,
47810 Petaling Jaya,
Selangor
+603-7733 7899
+6016-3333 039
sd@clmethod.com

CLM Mid Valley Boulevard (Branch)

MID VALLEY BOULEVARD OFFICES

Block 9 Level 2,
Mid Valley Boulevard Offices,
Lingkaran Syed Putra,
59200 Kuala Lumpur
+603-2202 2308
+6012-899 0685
mv@clmethod.com

A website ah lut in appiontment mah man caan ah lang thil ii. Appointment lang daan na harsa lekhaw a vum phone nambat ah phone thil tio vek ii. A website tu he ta hmet tu >>>  www.clmethod.com 

Ni siar fb page ah video hlat tio vek de ii. Sik na hiam lekhaw he ta hmet tu lai like pe tu cih ni siar video sik pha hlat tio vek de ii. He ta hmet tu >>>>  Chis Leong FB page 

USA, Indianapolis ai Khuang Hliang Par thihhnak a unu pasal in relfianhnak nai.

USA, Indianapolis ai fenu mawi Khuang Hliang par thihhnak thufiang a unu pasal in relfianhnak nai ii.


 

Bible suak thar heh USA ram songah amah in a awh hmasaber tu John Phun Lian in Bible Thianghlim vum ah he tin rel ii.

 

USA ram ah Zanniat Bible suak thar ( Bible Thianghlim) heh a awh ngah hmasaber tu kha ii ai, hlalai ah Zanniat pong in Bible suaktuh ah naper awngtu pakhat khai ii/. Amah heh USA a hleng hnua kum 17 vum khim zo ai USA, Michigan, Battle Creek ah innsang in om teng vek ii.

Vailam(western) ai khawm hoitute laimi te pawl ziatlam(estern) ai khawm hoitute ang in mi tun(hol) le tukkhum sik in khawm hoidun om lo hang ii. A kontin khawm hmang i pa?

FBCI Bia inn thar hong lai ai zukhnak, zuktu FBCI media.

laivum pui ziatlam le vailam minung te pawl ai kin bia inn sa daan le hmang daan bang lo hnak rel vut tuh ising.

Ziatlam pawl minung lole kin laimi pawl ai Bia in sa daan le Bia inn hmang daan tu he tih in hmang kin tam de ii.

Khawm hmun ai pulpit heh mi zapui tohmun hmai ah dah keel ii. Pulpit ah ding kong in laibu dah thil cabuai( stand) pakhat om ai thuthantu, sermon le a dangdang in hmang kop tlang de ii. Cia mi cabuai heh a laiteng hmun ah dah tam de ii. Cabuai khial ah tohkheng mawi rohroh upa te lole hohatu te to hmun in hmang de ii. Khawm caan fangin hoitu te heh hmailam mipui lam hoi in to liang de ai, thureltu, lasatu, thuthantu, le lahoitu te pawl heh a hmailam heh sik thil lo in a khiallam, a tun( a hol) lam ian sik ngah de ii. Thureltu heh a song phalo caan fangin heh a laukulhnak tu a thurel au lakli ah a song hnawm hlivua suak vut selai a khial mi rinsantlak rohroh to tu liang te pawl tu a rin neu hnim tuh thliahthlo ceh i menma hang. Naupang te heh nipui zing zinglam nipui tlawng ( Sunday school) kai ruai de ai zapui khawm caan fangin kha nau sen ee, sen lo ee ti om lo hmunkhat ah to tlang liang de ai ron rung, rak rung muahmo thureltu pa in a thurel lak ah kha hnaihnok kul roh caan om de ii.

Vailam pawl minung te lole vailam hleng laimi pawl ai kin bia inn sa daan tu a tlangpui in he tih ii.

Vailam pawl ai a bia inn sa daan tu a lenglam in tu hall (inn kawlawng) pui menma vuah thai ii. A song lut fangin GPS kul thai pawl lolek in sa tam vek ii. Vailam pawl khawm daan tu naupang le upa heh a caan bangdun in khawm tam ii. Naupang tetu zirhtu te thawn khaan dang ah a mah te neu in caan hmang ve ai, upa te kha mah te neu in caan hmang fangin naupang te kap lianglo, au lianglo za pha om in thuthangpha relhnak pha neu ngai lingleng thil ai thatho thai ngai ii. Vailam hleng laimi te tamsawn khawm hmun a pulpit ah tohkheng mawi rohroh in dah liang om lemlo ii. Cabuai neu pakhat le misic instrument tibang pawl ian dah de ai, caan awhtu le caan hmangtute pawl amah te caan khim lekhaw hmai ah suak in caan hmang de ai a ben ve le a tohmun ah to sal ngerngo de ii. Caan naitute pawl tu hmasaber tohkheng lole a hiang lam deuh ah tohhmun nai ai cia ta ah amah te caan hleng tuh iang in to tlang liang vek de ii. Khawm kawitu hmuahhmuah le thureltu(sermon) tu in mi tukkhum, zaang, lole mi tun(hol) sik pha li le sik li kul in om lo hang ii.

Tuntu he hmuah in com rih aa sing khaw a dang kha rel pha tomroh om tuh lai ii. He mi pulpit thu ah tu ziatlam pawl in kha vailam pawl hmang daan cuung ve pha maw? Pha lo? Comment ah na hlir meng ing.

Bawi Hlawn Mang 

Camkhat USA, Indiana, Indianapolis, Mirion country, beach grove.

USA, Indianapolis ai fenu mawi Khuang Hliang Par thihnak (video le rektu pa tin umhnak zuk) thu hezah tian ling ising. A thar ling bet le singkhaw hlawmdun bet leh tuh rianro ising.

USA, Indianapolis ai omtu Mai Khuang Hliang Par, A kum 27. Laitlang khua Vuangtu, December 23 zinglam 10:00am dung ah hnawmpung song ah palik te in tawk tin rel ii. A ruang he suitcase song ah thun in hnawmpung song ah hmu ti ii. Ni 22 zaan heh amah te Vuangtu khua hmuah Christmass bawn tlang ai a thitu Mai Khuang Hliang Par heh amah te khua puai ah kha feh lo ai a thaizing fangin a thi cia in tawk tin kha rel vek ii.

Fb lam ah sik rianro fangin a rualpui te in he nu heh a tlawngkaipui te in mi thinnem ngai, ponkam sia hmang in hau in kha thinraw nai thai lo minung tin rel ii. A vum ai zuk heh acozah palki lam in phuanghnak ngaingai tu om lailo ngonkhaw fb ah lam a lar roh hnak thu ii ai, a rektu heh a tlangval a vum ai zuk i thai tuh ii tin um tlang ii. A songkhat nu fb ah he tin ngan ii” A fak mu Khuang……..Nangmah i na duh dawtmi bak nih na nunnak a lak tthan mu…mah ding hi cu naa rak i ruat lai lo mu, ka thin hi…mah bantuk minung lung thin keng lo fa hi cu” A hnia ai video khai sik tu lai hnawmpung song ah palik te in a hmu ai phone thawn video



langhnak ii.

Mizan ah Indonisia ai Tsunami hlenghnak video clip ii. He video sik in a laukul dan tu a rel kha ngam hlah.

He tin nganhnak hmu i sing. he Tsunami heh akhu te thawn peng ha sang tian hleng ben ai mithi 250 vum om tin ngan ii. New Eruptions - Krakatoa - Indonesia Serious situation in Indonesia - new eruptions were repeated in the Krakatoa that reached almost 10 miles high 🌋 The situation is critical - there are over 250 Deceased, by the tsunami caused yesterday. It has collapsed southwest flank of the caldera. Video 📸 via seismology chile.

Erea 51: USA acozah in thilthup, thuthup kiltuh ah thudon rel peupeu i awm? Zaiman he tluk in USA ralkap ralthuam heh khangso i ni?

Part 1
 
 Part 2

 
 part 3

 

 Laivum ai ralthuam hmingthang Rusia te in USA tu Super power tin Rusia ram hoitu Putin rori in rel awng ling tuh tlang ising. Zaiman he tluk lawmlam in USA te ralthuam lam ah khangso i pa? (allien) hmundang ai minung thawn naper tlang peupeu i awm? USA acozah in thuthup kiltuh ah thudon kha rel peupeu vek i awm? tuntian he thu heh ling fianglo in zawtdun thliahthlo hnak thu ii.

 Erea 51 thula mirang siar hiam te pawl a hnia direct link ah hmet tu Erea 51 direct link ah hmet tu

erea 51 direct link

  Erea 51 lek i lo erea 52 kha om zo ai thuthup, thilthup bawnhmun hmun hmingthang pakhat ve ii. Mirang in siar na hiam lekhaw a hnia ai direct link ah hmet tu.

erea 52 direct link

Mi hmuah buai kul lo buai vek ti'n rel ii. A pafa in vamtun khentuh hnak ah mainaang laituh dawr ah vak vek.

Vamtun ah mainaang

Minung rualroh innsang khat om hmun ah thinkhat lungkhat hluarhlo in om tlang heh a inn hnen, a khuapui, le khua ri te tian in aan hlawhtu innsang pakhat hmingnai ah lo cang ii.

Vai khat tu dawr omhmun khuapui lam ah a pafa in thil lai tuh in ke thawn feh tlang vek ii. Lamkhung heh a zukzu, zawllai, honso tamroh ti maan in Ngaizam khualu lam in taitiang ti lam ah, hon kai rianro ai Congthe lam hon hleng ai hon kai thotho riahro ai cawlpui cawl khat zolo cawl tham hnua fangin in khuapui bazar omhmun hleng thai i maan he te pafa ai thil lai tuh hmun khuapui tu Lumte, Tlortang, Vanniam lam in Balai(Falam) lam ah i thai tuh ii. A pafa in cawl roh hnua ah khuapui a hlengtuh hmun ah hleng ai dawr lam ah vak zianzo vek ii. A fapa in thil laituh pha hmu bial i hang. Naupang tahang in khia lai, he kha laituh ti’n a pa rel diahdo ii. A pa a fapa ponghnak za lo ang in om ai vak zianzo vek ii. A pa in kha a thinthip ze maan a fapa hmun ah rel lawlaw ii. Fapa tunnia  thil kin lai tuh hnak vainaang laituh ising tin rel lawlaw ii.

A fapa in hluak neu lo hmang thiam ai I pa in mainaang latuh ti maan thil dang tu laituh lo i ngai tin lo ruat man ii. Pa mainaang tu zaihnak ah hmang tuh tin zawt ii. Fapa mainaang tu inn lam ah a hmangtuh hmun tam ze ii. Kin kulhnak hmuah lai thil tuh lo ising. Kin paisa kenghnak in kin thamtuh lo ii tin a fapa hmun rel ii. A fapa a thinsong ah mainaang tu lai kul pa maw?ti’n ruat ii. Mainaang tu inn ham ah om ang bial ee paisa bo sekso in lai kul lo tete I thil diahhnak naupang salhnak (toys) i laisah sawn selai tin ruat ii.

Fapa mfim linhnak tu he bang fangin lin ii. I pa in a tumhnak, a thil laitumhnak tu lai tu seh tin ruat ai a pa hoi hmun caang ah hlun zianzo ii. A thil lai tuh hmun a hleng fangin a man te zawt ai a ruathnak ang lo in a man lo baai ii. A pa in fapa kawi hang law dawr dang ah feh sal aa sing a tifangin a fapa in kha elaw ti vual ii. A fapa tu naupang lai tatho hang tu, dawr song ah thil dangdang sik in lo vaih li ii. Cia lak ah a pa in kawi law a ti vele elaw ti’n a sawn vual fangin a pa thin song ah a aangroh ii. A feh kong ai a fapa in he mi laituh ti’n a relhnak hmun dawr ah feh pui ai a fapa daihhnak sik zianzo ai a mainaang laihnak a hlai neu in a fapa daihhnak lai kio fangin a fapa tu a aangze lawmlam ii. 

Inn lam ah a hleng sal fangin a pafa tu thing phek te pawl lang ai a inn bang hnawmhnak thing phek in mainaang thawn khen ruairo vek ii. A fapa in a pa hmun ah mainaang laituh ti lawn si, mainaang le lai lo pah tu inn hiang ai lang nga sing im ti’n zawt ii. A fapa in mainaang tu rua heh a fem neuneu in bawn ai thil pen dehnak naang ah lo ruat meng ii. A pa in mainaang tu tlawngkhen i bang ee, mainaang heh hlanlai ah acozah lam in tlawng heh khua neuneu ah khai sasah lianglo fangin mainaang lo hmang de ai hlanlai ah tlawng satuhhnak lek ah hmang awng maan in tlawngkhen( tlawng inn khenhnak) ah a hming lo cang ii ti’n rel ii. Fapa vamtun tang ling hang aw sim tin zawt lala fangin hmai zawh tlawng kai fangin tlawng ah sazagyi zawt leh ang tin a pa hmun ah lo rel awng ii. Ben hang.

USA President Trump: Ramri bang bawntuhhnak ah bawmhnak( donation) ni li song ah million hlaithum vum ngah zo hang.

Trump danation Maxico thawn ramri ah bang(wall) bawntuhhnak ah 5billion kul tuh ti ii.

Atun lai I  ngan laiteng ah a paisa hmu zo hnak tu he zah ii. (Thirteen million fourty three thousand seven hundred eighty one dollar) ting hlaithum vum ngah zo ii.

Trump in ramri ah bang satuhhnak ah bawmhnak (donation)  bawn ai ni li song ah ting hlaithum vum ngah zo ii. Bang satuhhnak ah ting thawngnga kul tuh ti ii. He mi bawmhnak heh USA rammi lek pe i lo in a pe hiamhiam in pe thil ii. Pe na hiam lole zaizah paisa ngah zo ti sik na hiam lekhaw a hnia ai direct link ah hmet tu lai sik tu.

gofundme Trump link

He tluk rori misual hmingpa( suahpui pa) nai tin mi hmuah in rel ii. ( thu heh a thawh in a bo tian ling hnua tu a hmingpa vum ah aan tlang lala vek ii.

Hlanlai ah ittdun roh unau te om ii. A U pa in tlawng ah a nau heh dah ai, inn lam aihtuh hrang a leng ah paisa si in om de ai mi nunnem roh, mi fel roh ti’n ko hlawh de ii. A nau nu a upa khim rianro ai a ruangrai in kha pe vivo fangin a khua ai tlangval hnawmtam tian in aai-imm hnak fenu pui hon khim ngal rianro fangin khua hiang lam le khualtlawntu mikhual te tian thin hik ruai ben tu fenu pakhat ah lo cang ii.

Vai khat tu a U pa kha inn lak ah fenu kian kong in a khiallam in mawtaw thawn lo nuai ngah dun maan in a keruh lawm fiang ngaingai thil nawn lo in a kee lo baai kio ii. A kee baai te maan inn-lam hrang paisa si heh a rem cang thil nawn lo ii. Mah neu in le sumpai le thiam ve lo, thiam ta in kha paisa khawl cia nai lo farah hang tu zaizing pa nga hang sing. A nun heh harsa ngai in lo khuasa awng ii.

A inn hmai tohzaal ah zanlam ni khum hlan neu ah a to tio de ang in cia mi nia ah kha to thotho ii. A to kongin a harsahnak thu, a naupang lai ai thu te, a farnu tlawng tohhnak thu te ruat in omhar ngai ang in a inn hmai ai tohzaal vum ah lo to ngio lak ah dawr lam tlung lutlo tu a rualpa a kut ah banhla khaai liatlo hmu ii. “U zanfak ai hang aa sing khuathim tuh hang” tin an farnu in ko fangin a Upa in iang tu rih law he I rual pa fimhnak hmuh tuh lai ing tin sawn ii.

A rualpa kha a hiang ah hleng fangin aw! rual, na cak meng maw? I cak meng ii khaw ti’n a sawndun ben fangin a kut ai banhla tu vai khat ai in khawng tuh kio ing a ti fangin a rualpa in khawng ngal hlah si tin um ngal lo thinlung neu thawn lo sawn ii,. I um lo lesi ai ang khaw khawng lo lengkhaw I farnu pe tuh ing a ti fangin a rualpa in elaw ti ii. A khawng lo fangin a farnu pe tuh tete in lingpuitu a hiang ai minung pakhat ko in a banhla ai heh a hiang ah kil in, sik meng vek ii. A banhla kenghnak tu hnar khat ii ai, cawn thum ai pah a dang ai ben nawn lo ii. A kawng lo banhla cawn hmuah tu a farnu pe sek ii.

Cia panpan hang ne relhnak bangin khimruaituh heh nangmah pervo ihang. He lingpuitu kha om meng ii ti’n a ti fangin Awh! Awh! Awh! Kai tu khim ruai bang zo hang ing. He banhla khawng lo lengkhaw I farnu pe tuh ing ti ang ing ee. I khawng lo hmuah tu I farnu pan pe bang ing Zai?Zai?zai?. Ling fiang hang aw sim tin a rualpa zawt ai a rualpa in zaiman I fiangtuh ai? Na farnu petuh ti lawn sin I inn ah zai kuam kawi ruaituh cia ian I rel tu hang a ti fangin I farnu tu na inn ah zaibawn kawi ruai tuh tin sawn ii. A rualpa a thinraw deuh mithmai suah pan hang maan fiang neu in rel lawlaw ii. Na banhla ai ang khaw khawng lo lengkhaw I farnu petuh ing tihnak tu na banhla ai ang khaw khawng lo le ingkhaw I farnu na petuh ing na ti vuah maw tin a rel fiang fangin a rualpa ai thu lingpuitu ai a kohnak pa kha zai kha zing thil lo hang. A rualpa kha dawr ai a lai hnak banhla a nufate tluttuhhnak kha nai nawn lo hang. A kawlawng neu in inn lam ah tlung tuh in kaimah I sual ti’n a pong kong tlung zianzo ii. Cia zaan tu a farnu thawn pumpek kio tian rongai hnua ah banhla ai tlang in zan hngar-hngawk hluahhlo in zanvar liam vek ii. Ben hang.

Uar om lawlaw ( စာေရးဆရာ ဦးေက်ာ္ဝင္ ). Man le si ngai tu tengteng. Kin ram phatuhhnak ah 2008 danhampui heh pakhat hnua pakhat rem fang in a phaber lampui ii. Cia rin kin daihhnak ngaingai tu kin fa te san fangin ngah tuh lai ising ti ii.

A hnia ai video ngai tu ve law./

 

Video: Miss Universal 2018 ngahtu Miss Pilippines. A menma lo ii.

Ahnia ai video neu lo cuan tu ve law. Na kacip zong lo hai te malaw.

 Miss Philippines Catriona Gray is crowned Miss Universe 2018 in Bangkok, Thailand on Monday, December 17, 2018.

Rv. Nun Lian Thang: Zanniat bilble thar aphnak nai. Salai Tawk Video: Rv. Nun Lian Thang in Zanniat bible suak thar heh naupang deuh lam pawl daihdaan i lo ai, upa te daihdaan ii tin relhnak nai ii

2018;December 15 (Sat) nia zing nazi-8:30 can song lawi ah Zanniat mi te Pathian in kin ang dungso kin daih ngai ve i ; i thin song ah um ttio de hnak tun nia can ah BIBLE LAI THIANG AP HNAK PROGRAMMEE te can pha nai ngah ben ve i sing Pathian in kin Zanniat miphun te hmuifu pe be man in ang ze i .

hnihsa tom hlawm

Hnihsa tom hlawm

Hnihsa tom hlawm

Hnihsa tom hlawm.

Zanniatram le Zanniat miphun hrang naper hiam ngaingai lekhaw Zanniatram ah om tengteng kul awm? Salai Kuku le Salai Thangte.

Zanniat miphun hrang naper hiam ngaingai lekhaw Zanniatram ah om tengteng awm? tihnak thu thawn Salai Kuku le Salai Thangte te ai relhnak ngai tuh tlang ising,.. Fb lam ah Zannait mi lole Zanniat pawlkom pakhat khat ai a thil bawn khelhhnak lole a diklo tin linghnak te pawl au lianglo de fangin zai phathnemhnak om pa? Zanniatram le Zanniat miphun khangsotuh ah bulpak in naper maw, pawlkom in naper fangin a pha sawn pa? Zanniat miphun khangsotuh ah zai ang te pawl heh kin kulsamhnak thupui tin ruathnak pawl?

Dawngpui thula: No Hlai Mang

Dawngpui Zarna Thu

Tunteng tu Dawngpui Zarna zuk le video hmu pha tam teng imanin, “Dawngpui Zarna” thu niu rel tlang, ruat tlang rih ngasing.

         Tunhlan kum 500 vum ah kin pupate in Dawngpui Zarna lo bawn zo ni maw ti heh lo ruat de iing. Zaikhai selai Tunhlan kum 100 dung ah tu kin pupate in Dawngpui Zarna lo bawn tuh de ii tiin um iing. Tun kin san ah khai kin pupate in kin hluphnak ro sunglawi tampui song an, Dawngpui Zarna khai ro sunglawi pakhat ii ti singlai khelh um lo iing. A sunglawi ngaai in kin hmang dehnak Dawngpui Zarna khiah, a hming ko dan a phuncang in ko lianglo de iising. Santehhnak in: 

 1. Dawngpui Zarna,

 2. Dawngpui Puai,

 3. Dawng Pui,

 4. Dawng Pui Puai,

 5. Dawngpui,

 6. Zanniat Dawngpui tibang in a phuncang in Lai khiah tar lianglohnak hmu de iising. 

            Hrekkhat in Dawngpui tu Puai tin hmang kuul lo ii titu khai umh ii. Kin pupate ko dan in tu, Dawngpui Zarna tin ko de in ling iing. Lai kin tar fangin, kin lai tarhnak heh phun khat lek in ngan tuhhnak in ling iing. Mah nuamhnak bangin ngan tuhhnak ngawn ii lo deuh baang ii. Santehhnak in, “Dawngpui” tihnak le “Dawng Pui” tihnak khai calai (literature) feh dan in tu, a sullam (meaning) bangdun lo ii. “Dawng” le “pui” a pahnih in a kop in ngan fangin, a sullam pakhat ii ai, “Dawng” le “pui” a tumce “Dawng Pui” tin ngan fangin tu a sullam a tumce ve ii.

             Kin ling fiang tuhhnak in, “Ku Ku heh I rualpui ii.” tihnak le “Ku Ku heh I rual pui ii.” tihnak a sullam bangdun lo ii. “Ku Ku heh I rualpui (friend) ii.” tihnak ai “rualpui” tu Mirang in “friend” tihnak sullam ii ai, “Ku Ku heh I rual pui ii.” tihnak ah tu, “rual” le “pui” a tumce in nganhnak imanin, Kawl pon in rel singlai, “rual pui” tihnak a sullam tu, “သူငယ္ခ်င္းၾကီး" tihnak ii. Ciatih bangin lai feh dan heh thu lo nai ve imanin, kin puai sunglawi kin naihsun niu “Dawngpui” tihnak khai laivum ram cangcang ah “Dawngpui” tin a kop in ngan tuh khiah zuam tlang ngasing. Cen, “Dawngpui” hnua ah “Zarna” tihnak niu heh hmang thiam tuhin zir tlang singlai pha tuhin um iing. Kin pupate hmang dan rori imanin, “Dawngpui Zarna” tin hmang tlang ngasing. “Dawngpui Puai” ti piangpo lo singlai tihnak niu thupui ngaai in ruat tlang in kin pon le lai mawi amam tuhin zuam tlang ngasing.
No Hlai Mang

2018 RBP champion

Avai 43hnak R.B.P.
2018 R.B.P. Zatual
December 1-7, 2018.

Khua 23 kin khim ai team 24 in sal tlang iising. Thiamber pawl asangsang in...

Volleyball
1st = Tlortang.
2nd = Lianrih.
3rd = Tlorzan.
4th = Lumte.

Caneball (Chinlung)
1st = Lianrih
2nd = Lumte
3rd = Tlortang
4th = Pamunchuang

Football / Soccer (Bawhlung)
1st = Ngaizam (kum 2 peh champion)
2nd = Mualzawl
3rd = Zultu
4th = Locom

Award (Lawmmanthamhnak)
Sal-cianghlimber (Fair Player) = Zatual (A)
Thiamber (The Best Player) = Mualzawl No. 7
Goal-thun-tamber (The Best Scorer) = Ngaizam No. 7. 5 goals.
Goalie-thiamber (The Best Keeper) = Zultu No. 1.
Hnuakham-thiamber (The Best Defender) = Ngaizam No. 10.
Alai-salthiamber (The Best Midfielder) = Zatual No. 19.
Hmainot-thiamber (The Best Striker) = Locom No. 11.

Ruahhnak-pe (Advice)
Quarter Final hleng te heh khawvai ah group cang ah dah tuh. Group ah tawkdun tuh lo in.
Semi Final hleng te heh khawvai Quarter Final hleng fang lek tawkdun thil tuh in bawn tum selai pha ti ing.

Kin veksen in Pathian in nunhnak le nuncakhnak kin pe lai iilekhaw khawvai (2019) ah Lumte ah tawkdun sal leh tuh iising.

2020 R.B.P. Golden Jubilee fangin Webula Myo ah USA uR.B.P. Team khai tel ben fefo tuh in TUMTEKHNAK um zo ii.

Cak neu in kin tawkdun sal hlan tian mangpha / sunpha tlang ngasing.

USA R.B.P. Team te Canca in ….Pa Zam Ro Liang

Zomi in (Chin pa raltha) kawl ralbawi Min Aung Hlai a pehnak thu, UN ah Daw Suh in ICC, R2P in luattuh a tumhnak thute.

Andrew Soe In relhnak heh a dikhnak tampui om in hmu ing,.
 

Youtube hlatthar Jesuh hming in dawi hnawtsah/..